సెంచరీ... పుష్ప ట్రెండ్‌ కంటిన్యూ

అల్లు అర్జున్‌, సుకుమార్‌ కాంబోలో 2011 చివర్లో వచ్చిన పుష్ప సినిమా ఎంతటి ఘన విజయాన్ని సొంతం చేసుకుందో ప్రత్యేకంగా చెప్పనక్కర్లేదు. రెండున్నర ఏళ్లు పూర్తి అయినా కూడా పుష్ప గురించిన చర్చ సోషల్‌ మీడియాలో జరుగుతూనే ఉంది. ఆ సినిమా పాటలు ఇంకా కూడా ఆన్ లైన్ ప్లాట్‌ ఫామ్స్ పై తెగ మోగుతూనే ఉన్నాయి.

ఇంతలోనే పుష్ప 2 కూడా సందడి షురూ అయ్యింది. ప్రస్తుతం చివరి దశ షూటింగ్‌ జరుపుకుంటున్న పుష్ప 2 సినిమా నుంచి ఇప్పటికే రెండు పాటలు ప్రేక్షకుల ముందుకు వచ్చాయి. ముఖ్యంగా ఇటీవల వచ్చిన కపుల్‌ సాంగ్ కి విపరీతమైన క్రేజ్ దక్కింది.

తక్కువ సమయంలోనే వ్యూస్ లో సెంచరీ కొట్టింది. ఇప్పటి వరకు అన్ని భాషల్లో కలిపి కపుల్‌ సాంగ్‌ వంద మిలియన్‌ ల వ్యూస్ ను రాబట్టడంతో పాటు లక్షల్లో లైక్స్‌ ను దక్కించుకుంది. ఈ మధ్య కాలంలో ఏ పాటకు దక్కని ఆధరణ సూసేకి... పాటకు లభిస్తుంది.

పుష్ప 2 పై ఉన్న అంచనాలు మరియు సినిమాకు ఉన్న బజ్ ను రెట్టింపు చేసిన పాట అంటూ కామెంట్స్ వస్తున్నాయి. పుష్ప 2 సినిమా ను నిన్న మొన్నటి వరకు ఆగస్టు 15న విడుదల చేస్తారని అంతా భావించారు. ఆ తేదీని అధికారికంగా ప్రకటించారు. కాని గత రెండు రోజులుగా విడుదల విషయంలో పుకార్లు షికార్లు చేస్తున్నాయి.

ప్రస్తుతానికి పుష్ప 2 సినిమా విడుదల విషయంలో మేకర్స్ నుంచి డేట్‌ మార్పు ప్రకటన రాలేదు. కనుక ఆగస్టు లోనే సినిమా విడుదల చేయాలని ఫ్యాన్స్ బలంగా కోరుకుంటున్నారు. సినిమా విడుదల అవ్వక ముందే వంద మిలియన్ల వ్యూస్ వస్తే సినిమా విడుదల అయ్యి హిట్‌ అయితే తక్కువ సమయంలోనే బిలియన్ వ్యూస్ రావడం ఖాయం అనిపిస్తుంది.