శ్రీవల్లి చురకత్తిలాంటి లుక్.. సూపర్ సామీ!

ఐకాన్ స్టార్ అల్లు అర్జున్ సుకుమార్ కాంబినేషన్లో రాబోతున్న పుష్ప సెకండ్ పార్ట్ పై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు. ఫస్ట్ పార్ట్ తోనే బాక్సాఫీస్ వద్ద ఒక సంచలనం క్రియేట్ చేసిన ఈ కాంబినేషన్ తప్పకుండా ఈసారి అంతకుమించి అనేలా సక్సెస్ అందుకుంటుంది ఫ్యాన్స్ లిప్ ఒక నమ్మకం ఏర్పడింది. గ్యాప్ లేకుండా వరుస అప్డేట్స్ తో మేకర్స్ మంచి బజ్ క్రియేట్ చేస్తున్నారు.

ఇప్పటికే గంగమ్మ తల్లి జాతర సంబంధించినన పాయింట్ హైలెట్ కానున్నట్లు ఆడియన్స్ లో హైప్ పెంచేశారు. రాబోయే టీజర్ లో కూడా బన్నీ లుక్ హైలెట్ కాబోతున్నట్లుగా తెలుస్తోంది. అల్లు అర్జున్ ఒకవైపు మాస్ - మరోవైపు జాతర వైబ్ తో పూనకాలు తెప్పించే విధంగా లేడీ గెటప్ లో కనిపించబోతున్నట్లు అర్థమవుతుంది.

అయితే నేడు ఈ సినిమాలో నటిస్తున్న హీరోయిన్ రష్మిక మందన్న పుట్టినరోజు సందర్భంగా ఒక ప్రత్యేకమైన పోస్టర్ కూడా విడుదల చేశారు. రష్మిక ఇందులో శ్రీవల్లిగా నటిస్తున్న విషయం తెలిసిందే. సెకండ్ పార్ట్ లో ఆమె పాత్ర ఇంపాక్ట్ ఇంకా బలంగా ఉండబోతున్నట్లు అర్థమవుతుంది. ఇక విడుదల చేసిన పోస్టర్లో చురకత్తిలాంటి చూపులతో సూపర్ అంటూ సిగ్నల్ ఇచ్చిన అమ్మడు తన ట్రెడిషనల్ లుక్ తో కూడా చాలా హైలెట్ గా నిలిచింది.

జాతర సీన్ లో ఆమె ఈ స్పెషల్ లుక్ లో లుక్కులు కనిపించబోతున్నట్లు తెలుస్తోంది. మెరిసే గ్రీన్ పట్టుచీరలో ఒంటినిండా నగలతో కనిపిస్తున్న శ్రీవల్లి చాలా డిఫరెంట్ గా ఇచ్చిన ఈ స్టిల్ ప్రస్తుతం సోషల్ మీడియాలో వైరల్ గా మారింది. తప్పకుండా ఆమె క్యారెక్టర్ కూడా చాలా బలంగా ఉంటుంది అని ఈ యొక్క పోస్టర్ ద్వారా తెలియజేశారు. సుకుమార్ మేకింగ్ విధానం ఎలా ఉంటుందో ప్రత్యేకంగా చెప్పనవసరం లేదు. ప్రతి క్యారెక్టర్ కూడా కథలో భాగంగానే ఆడియన్స్ కు ఎమోషనల్ గా కనెక్ట్ అవుతూ ఉంటుంది.

ఇక శ్రీవల్లి క్యారెక్టర్ కూడా సెకండ్ పార్ట్ లో ఇంకాస్త ఎమోషనల్ టచ్ ఇవ్వబోతున్నట్లు సమాచారం. పుష్ప 2 కి సంబంధించిన టీజర్ ను అల్లు అర్జున్ పుట్టినరోజు సందర్భంగా ఏప్రిల్ 8వ తేదిన విడుదల చేయబోతున్నారు. సినిమాను ఆగస్టు 15వ తేదీన విడుదల చేయనున్నట్లు క్లారిటీ ఇచ్చిన విషయం తెలిసిందే.

ఆ మధ్య రిలీజ్ డేట్ విషయంలో మార్పులు జరిగే అవకాశం ఉంది అని గాసిప్స్ వచ్చినప్పటికీ మేకర్స్ మాత్రం అందులో ఎలాంటి డౌట్స్ అక్కర్లేదు అని ఎప్పటికప్పుడు క్లారిటీ ఇస్తూనే ఉన్నారు. విడుదల చేసిన ప్రతి పోస్టర్లో కూడా తప్పకుండా సినిమా అనుకున్న సమయానికి రాబోతోంది అని రిలీజ్ డేట్ ను మెన్షన్ చేస్తూ ఉన్నారు. మరి ఈ సినిమా బాక్సాఫీస్ వద్ద ఎలాంటి ఇంపాక్ట్ చూపిస్తుందో చూడాలి.