పుష్ప 2: ఎప్పుడు చిచ్చు పెడుతుందో..?

ఐకాన్ స్టార్ అల్లు అర్జున్ నటిస్తోన్న ప్రతిష్టాత్మక చిత్రం పుష్ప ది రూల్ మూవీ షూటింగ్ ప్రస్తుతం శరవేగంగా జరుగుతోంది. భారీ బడ్జెట్ తో సుకుమార్ ఈ చిత్రాన్ని పాన్ ఇండియా లెవల్ లో గ్రాండియర్ గా ఆవిష్కరించే ప్రయత్నం చేస్తున్నారు. జపాన్ బ్యాక్ డ్రాప్ లో ఈ మూవీకి సంబందించిన కీలక సన్నివేశాలు తెరకెక్కించినట్లు తెలుస్తోంది. మైత్రీ మూవీ మేకర్స్ కూడా ఈ సినిమాని నెక్స్ట్ లెవల్ లో షోకేస్ చేసుకొని బ్యానర్ బ్రాండింగ్ పెంచుకొనే పనిలో ఉంది.

ఇదిలా ఉంటే ఈ సినిమా ఆగష్టు 15న ప్రపంచ వ్యాప్తంగా రిలీజ్ చేస్తామని చిత్ర యూనిట్ ఇప్పటికే ప్రకటించింది. కానీ ఇప్పుడు ఈ మూవీ రిలీజ్ వాయిదా పడుతుందనే ప్రచారం తెరపైకి వచ్చింది. మూవీ షూటింగ్ ఇంకా కొనసాగుతోంది. అలాగే పోస్ట్ ప్రొడక్షన్ వర్క్ కూడా పూర్తి చేయాల్సి ఉంది. పెర్ఫెక్షన్ కోసం చూసే సుకుమార్ అవుట్ ఫుట్ విషయంలో అస్సలు రాజీ పడరు.

అందుకే మూవీ రిలీజ్ ఆలస్యం అవ్వొచ్చని ఇండస్ట్రీ వర్గాలలో వినిపిస్తోంది. ఈ ప్రచారంపై చిత్ర యూనిట్ అయితే ఇప్పటి వరకు ఎలాంటి క్లారిటీ ఇవ్వలేదు. కానీ ఈ మూవీ ఎప్పుడు రిలీజ్ అయిన కూడా వేరే సినిమాలని డిస్టర్బ్ చేసే అవకాశం ఉందనే మాట వినిపిస్తోంది. డిసెంబర్ లో ప్రభాస్ రాజాసాబ్ మూవీ రిలీజ్ కానుంది. అదే సమయంలో పుష్ప 2 మూవీ రిలీజ్ అయితే కచ్చితంగా టఫ్ ఫైట్ ఉంటుంది.

అలా కాకుండా వచ్చే ఏడాది సంక్రాతికి రిలీజ్ చేయాలి అనుకుంటే ఇంకా పెద్ద తలనొప్పి. 2025 సంక్రాంతి రేసులో మెగాస్టార్ విశ్వంభర, దిల్ రాజు శతమానం భవతి 2, కింగ్ నాగార్జున బంగార్రాజు 2తో కర్చీఫ్ వేశారు. పుష్ప సంక్రాంతి రేసులో వస్తే ఈ మూడు సినిమాలకి ఇబ్బంది అవుతుంది. అయితే మెగాస్టార్ కి పోటీ వచ్చే ప్రయత్నం అల్లు అర్జున్ చేయకపోవచ్చు.

అందుకే డిసెంబర్ లోనే రావడానికి ఛాన్స్ ఉందని టాక్ వినిపిస్తోంది. ఎప్పుడు వచ్చిన కచ్చితంగా ఏదో ఒక సినిమాకి మాత్రం పుష్ప ది రూల్ నుంచి థ్రెట్ ఎదురయ్యే అవకాశం ఉందని సినీ విశ్లేషకులు భావిస్తున్నారు. వెయ్యి కోట్ల బాక్సాఫీస్ టార్గెట్ తో పుష్ప ది రూల్ మూవీ థియేటర్స్ లోకి వస్తోంది. దానికి తగ్గట్లుగానే స్ట్రాంగ్ ప్రమోషన్స్ కూడా చేయనున్నారు.