'భోళా శంకర్'​ ర్యాప్ సాంగ్​.. మాస్ మొగడొచ్చేశాడు

మెగాస్టార్ చిరంజీవి కొత్త సినిమా 'భోళా శంకర్' విడుదలకు సమయం దగ్గరపడడంతో ప్రమోషన్స్​లో జోరు పెంచింది మూవీటీమ్​. ఇప్పటికే టీజర్‌, ట్రైలర్‌తో పాటు కొన్ని సాంగ్స్​ను విడుదల చేసి ఆకట్టుకుంది. తాజాగా ఇప్పుడు సినిమా నుంచి 'Rage Of Bholaa' అనే ఏంథమ్ సాంగ్‌ను విడుదల చేసింది. ఈ పాట ఆద్యంతం మెగా ఫ్యాన్స్​ను ఆకట్టుకునేలా ఉంది.

ఈ 'Rage Of Bholaa'ను ర్యాప్ సాంగ్​ స్టైల్​లో చిత్రీకరించారు. ఈ సాంగ్​ శ్రోతలకు ఊపు తెప్పిస్తోంది. దీనిని దర్శకుడు మెహర్ రమేష్, ఫిరోజ్ ఇజ్రాయిల్ కలిసి లిరిక్స్​ అందించారు. ర్యాపర్స్​ అసుర, ఫిరోజ్ కలిసి ఆలపించారు. టీజర్‌లోని కొన్ని డైలాగ్స్​, విజువల్స్‌తో సాంగ్​ను డిజైన్ చేసినట్లు అర్థమవుతోంది.

'ఒకటి రెండు మూడు వచ్చాడు అన్న సూడు.. స్టేట్ అంత వెతికి చూడు ఎదురు వచ్చేటోడే లేడు'.. అంటూ చిరంజీవి పాత్రను ఎలివేట్ చేస్తూ వచ్చే లిరిక్స్​.. మాస్​ మొగడు అంటూ వచ్చే పవర్ ఫుల్ యాక్షన్ సీన్స్ విజువల్స్​ ఆకట్టుకుంటున్నాయి. మహతి స్వర సాగర్ అందించిన సంగీతం ఊపు తెప్పిస్తోంది.

ఇకపోతే ఈ 'భోళా శంకర్' చిత్రంలో చిరంజీవి సరసన తమన్నా భాటియా హీరోయిన్​గా నటించింది. మహానటి కీర్తి సురేష్ చిరుకు చెల్లిలిగా నటించింది. అక్కినేని నటుడు సుశాంత్, హైపర్ ఆది, గెటప్ శ్రీను, బ్రహ్మానందం, శ్రీముఖి, రష్మీ గౌతమ్ తదితరులు ఇతర కీలక పాత్రల్లో నటించారు. సినిమాను ఏకే ఎంటర్‌టైన్‌మెంట్స్ బ్యానర్‌పై అనిల్ సుంకర నిర్మించారు. మహతి స్వర సాగర్ స్వరాలు సమకూర్చారు. ఈ సినిమా ఆగస్టు 11వ తేదీన గ్రాండ్‌గా థియేటర్లలో విడుదల కానుంది.

అలానే ఈ సినిమా బిజినెస్ కూడా బాగా జరిగిందని తెలిసింది. గాడ్ ఫాదర్, వాల్తేరు వీరయ్య వంటి హిట్ చిత్రాల తర్వాత రావడంతో వ్యాపారం మంచిగానే జరిగిందట. ఓవరాల్ థియేట్రికల్​ బిజినెస్​ రూ. 90 కోట్ల వరకు జరిగిందని తెలిసింది. అంటే రూ. 100 కోట్ల బ్రేక్ ఈవెన్ టార్గెట్​తో ఈ సినిమా వస్తోంది. చూడాలి మరి ఈ మూవీ బ్రేక్ టార్గెట్​ను ఎంత వరకు అందుకుంటుందో.