ప్రభాస్ తో రాజమౌళి ముచ్చట్లు.. ఎప్పుడంటే?

యంగ్ రెబల్ స్టార్ ప్రభాస్ నటిస్తున్న మోస్ట్ అవైటెడ్ మూవీ 'సలార్' రిలీజ్ కి కేవలం తొమ్మిది రోజులు మాత్రమే ఉంది. సినిమా రిలీజ్ దగ్గర పడుతున్నా ఇప్పటివరకు మేకర్స్ ప్రమోషన్స్ స్టార్ట్ చేయనేలేదు. అసలు సలార్ ప్రమోషన్స్ ఉంటాయా? లేకుండానే సినిమా రిలీజ్ చేస్తారా? అనే అనుమానాలు కూడా వ్యక్తమవుతున్నాయి. ఈ విషయంలో ఫ్యాన్స్ కొంత నిరాశ చెందుతున్నారు. అలాంటి ఫ్యాన్స్ కోసం సలార్ మూవీ మేకర్స్ అదిరిపోయే ప్లాన్ వేసినట్టు తెలుస్తోంది.

సలార్ ప్రమోషన్స్ లో భాగంగా మూవీ టీం రాజమౌళితో ఓ స్పెషల్ ఇంటర్వ్యూ ప్లాన్ చేసినట్టు సమాచారం. అంటే సలార్ టీమ్ ని జక్కన్న ఇంటర్వ్యూ చేస్తాడు. ప్రభాస్, ప్రశాంత్ నీల్, పృథ్వీరాజ్ సుకుమారన్ లతో ఈ ఇంటర్వ్యూ ఉంటుందని అంటున్నారు. ఈ ముగ్గురితో రాజమౌళి ఇంటర్వ్యూని నెక్స్ట్ లెవెల్ లో ప్లాన్ చేశారట. సలార్ రిలీజ్ కి ముందు ఇదే అతి పెద్ద ప్రమోషనల్ ఈవెంట్ కానుందని సమాచారం.

సలార్ మూవీ టీం తో రాజమౌళి ఇంటర్వ్యూ డిసెంబర్ 16న ఉండనుందని టాక్ వినిపిస్తోంది. ప్రస్తుతం ఈ న్యూస్ సోషల్ మీడియా అంతటా వైరల్ అవ్వగా ఈ న్యూస్ తెలిసి డార్లింగ్ ఫాన్స్ ఫుల్ ఖుషి అవుతున్నారు. కాగా ఇటీవల సలార్ ట్రైలర్ ని రిలీజ్ చేసిన మేకర్స్ డిసెంబర్ 13 న ఫస్ట్ సింగిల్ రిలీజ్ చేయబోతున్నారు. ఇందుకు సంబంధించి పోస్టర్ కూడా రిలీజ్ చేశారు. 'సూరీడు' అంటూ సాగే ఈ సాంగ్ కోసం ఆడియన్స్ ఎంతో ఆసక్తిగా ఎదురు చూస్తున్నారు.

మరోవైపు సలార్ మూవీ టీం తో రాజమౌళి ఇంటర్వ్యూ ఫ్యాన్స్ లో మరింత ఆసక్తిని నింపింది. ఇంటర్వ్యూలో మూవీ గురించి ఎలాంటి ఇంట్రెస్టింగ్ విషయాలు బయటకు రాబోతున్నాయి? రాజమౌళి డైరెక్టర్ ప్రశాంత్ నీల్, ప్రభాస్ లను ఎలాంటి ప్రశ్నలు అడుగుతాడు? అంటూ ఇంటర్వ్యూ కోసం ఫ్యాన్స్ ఎంతో ఎక్సైటింగ్ గా వెయిట్ చేస్తున్నారు. ప్రభాస్ నుండి చాలా కాలం తర్వాత వస్తున్న అవుట్ అండ్ అవుట్ యాక్షన్ మూవీ కావడంతో సలార్ కోసం అభిమానులు వేయికళ్లతో ఎదురుచూస్తున్నారు.

అంతేకాకుండా బాహుబలి 2 తర్వాత వరుసగా ప్లాప్స్ అందుకుంటున్న ప్రభాస్ కి సలార్ భారీ కం బ్యాక్ ఇస్తుందని ఫ్యాన్స్ ఆశిస్తున్నారు. సుమారు రూ.250 కోట్ల భారీ బడ్జెట్ తో హోంబలే ఫిలిమ్స్ ఈ సినిమాను నిర్మించింది. శృతిహాసన్ హీరోయిన్ గా నటిస్తున్న ఈ చిత్రంలో మలయాళ స్టార్ పృథ్వీరాజ్ సుకుమారన్, జగపతిబాబు విలన్స్ గా కనిపించనున్నారు.