నేటి రాజకీయాలు - రామోజీరావు... రాజేంద్రప్రసాద్ సంచలన వ్యాఖ్యలు!

చెరుకూరి రామోజీరావు మృతిపై దేశవ్యాప్తంగా పలువురు ప్రముఖులు సంతాపం వ్యక్తం చేస్తున్న సంగతి తెలిసిందే. ఈ సందర్భంగా రామోజీ చేసిన సేవలను గుర్తుచేసుకుంటున్నారు. ఈ క్రమంలోనే ప్రముఖ సినీ నటుడు రాజేంద్ర ప్రసాద్ తీవ్ర దిగ్భ్రాంతి వ్యక్తం చేశారు. ఈ సందర్భంగా రామోజీతో తనకున్న అనుబంధాన్ని గుర్తుచేసుకున్నారు. ఈ క్రమంలోనే సంచలన వ్యాఖ్యలు చేసారు.

అవును... ఈనాడు సంస్థల అధినేత రామోజీరావు మృతి చెందారు. ఆయనతో తనకున్న అనుబంధాన్ని గుర్తుచేసుకుంటూ పలువురు ప్రముఖులు తీవ్ర దిగ్భ్రాంతి వ్యక్తం చేస్తున్నారు. ఇందులో భాగంగా ప్రముఖ సినీనటుడు రాజేంద్ర ప్రసాద్ స్పందించారు. ఈ క్రమంలోనే... రామోజీరావు కంపెనీ ఉషాకిరణ్ మూవీస్ లోనే తాను హీరోను అయ్యానని గుర్తుచేసుకున్నారు రాజేంద్రప్రసాద్.

ఈ సమయంలో రామోజీరావు తనను వారి బిడ్డలాగా దగ్గరగా కూర్చోబెట్టుకునేవారిని, ఈ సందర్భంగా జీవితంలో ఎన్నో విషయాలను తనకు నేర్పించేవారని తెలిపారు. ఇదే క్రమంలో... నీకు గుర్తింపు లేని చోటుకు వెళ్లకు, నిన్ను ప్రేమించిన వారున్న చోటకే వెళ్లమని అనేకమార్లు తనకు చెప్పారని రాజేంద్రప్రసాద్ తెలిపారు.

ఈ సమయంలో అంతటి మహానుభావుడు.. దరిద్రపు, చెత్త రాజకీయాల వల్ల చివరికి మానసిక క్షోభ అనుభవించి వెళ్లారని.. అది భగవంతుడు చూసుకుంటాడని చెప్పిన రాజేంద్రప్రసాద్... అది భగవంతుడు ఇప్పటికే చూసుకున్నాడని, ఆయన నిజం గెలుపును చూసే వెళ్లారని.. ఆ విషయంలో చాలా సంతోషంగా ఉందని.. ఆయన అనుకున్నది సాధించి వెళ్లారని.. రాజేంద్రప్రసాద్ సంచలన వ్యాఖ్యలు చేశారు.

ఇక... ప్రపంచం బ్రతికి ఉన్నంతవరకూ కొంతమందే బతికి ఉంటారని చెప్పిన రాజేంద్రప్రసాద్... అందులో రామోజీరావు కూడా ఒక్కరని.. ఆయన ఒక చరిత్ర అని నొక్కి చెప్పారు.