సంక్రాంతికి తలైవా కూడా దిగుతున్నాడు

సౌత్ సినిమా ఇండస్ట్రీలో సంక్రాంతికి బాక్సాఫీస్ వద్ద హడావిడి ఏ స్థాయిలో ఉంటుందో ప్రత్యేకంగా చెప్పనవసరం లేదు ముఖ్యంగా రెండు తెలుగు రాష్ట్రాల్లో కూడా ఈ ఒక్క సంక్రాంతికి ఊహించని స్థాయిలో సినిమా బిజినెస్ అయితే జరుగుతూ ఉంటుంది. ఇక 2024 పండగను కూడా చాలామంది టార్గెట్ చేశారు. ముందుగానే మహేష్ బాబు గుంటూరు కారం రవితేజ, ఈగల్, తేజ సజ్జ హనుమాన్ సినిమా రాబోతున్నట్లు క్లారిటీ ఇచ్చారు.

ఇక విజయ్ దేవరకొండ పరుశురాం కాంబినేషన్లో తెరకెక్కుతున్న సినిమా కూడా అప్పుడే రాబోతోంది. అలాగే రీసెంట్ గా తమిళ్ డబ్బింగ్ సినిమాలు అయలన్, అరన్మనయ్ 4 కూడా సంక్రాంతికి రాబోతున్నట్లు క్లారిటీ ఇచ్చేసాయి. వీటిలో అయితే ఏవి కూడా వెనక్కి తగ్గే అవకాశం అయితే లేదు.

ఎప్పుడైతే ప్రభాస్ ప్రాజెక్ట్ K వాయిదా పడుతోంది అని తెలిసిందో అప్పుడే వీళ్ళందరూ కూడా సంక్రాంతిని గట్టిగా ఫిక్స్ అయిపోయారు. మధ్యలో కొన్ని సినిమాలు వాయిదా పడుతున్నట్లు గాసిప్స్ పుట్టుకొచ్చినప్పటికీ కూడా మళ్లీ వెంటనే క్లారిటీ ఇస్తున్నారు అంటే ఎంత పట్టుదలతో ఉన్నారో ప్రత్యేకంగా చెప్పనవసరం లేదు. అయితే ఇప్పుడు జైలర్ సినిమాతో సక్సెస్ అందుకొని ఫామ్ లోకి వచ్చిన రజనీకాంత్ సంక్రాంతికి హడావిడి చేసే అవకాశమైతే ఉంది.

ఆయన సినిమా మొత్తం నటించకపోయినా కూడా మంచి నిడివి ఉన్న పాత్ర చేసిన సినిమా లాల్ సలాం. ఈ సినిమాను పొంగల్ బరిలో దించబోతున్నట్లు ఈరోజు చిత్ర యూనిట్ ప్రకటించేసింది. ఆయన కూతురు ఐశ్వర్య దర్శకత్వంలో రాబోతున్న ఈ సినిమాలో మెయిన్ హీరో అయితే విష్ణు విశాల్. కానీ అంతకంటే పవర్ఫుల్ పాత్రలో మంచి టైమింగ్ ఉన్న పాత్రలో రజనీకాంత్ కనిపించబోతున్నారు.

అసలే జైలర్ తో బౌన్స్ బ్యాక్ అయినా తలైవా మళ్ళీ వస్తున్నాడు అంటే ఎంతో కొంత సంక్రాంతిలో హడావిడి అయితే కనిపిస్తుంది. మాఫియా బ్యాక్ డ్రాప్ లో ఈ సినిమా రూపొందుతోంది. ఇక ఈ పోటీలో లాల్ సలామ్ ను అంత తక్కువ అంచనా వేయడానికి వీలులేదు. ఇక మిగతా సినిమాలు కూడా వేటికవే కంటెంట్ తో చాలా కాన్ఫిడెంట్ గా కనిపిస్తూ ఉన్నాయి. ప్రమోషన్స్ కూడా హడావిడిగానే జరిగే అవకాశం ఉంది. కాబట్టి లాల్ సలాం సినిమా ఎంత మేరకు ఆకట్టుకుంటుందో చూడాలి.