సూపర్‌ స్టార్‌ మూవీకి ఇంట్రెస్టింగ్‌ టైటిల్‌

మలయాళ సూపర్ స్టార్‌ మోహన్ లాల్ ప్రధాన పాత్రలో జోషి దర్శకత్వంలో రూపొందుతున్న సినిమా టైటిల్ ను ప్రకటించారు. ఈ సినిమా కోసం సూపర్ స్టార్ ఫ్యాన్స్ తో పాటు మలయాళ సినీ ప్రేక్షకులు ఎంతో ఆసక్తిగా ఎదురు చూస్తున్నారు. సినిమా యొక్క టైటిల్‌ విషయం లో గత కొన్నాళ్లుగా అనేక పుకార్లు సోషల్ మీడియాలో షికార్లు చేయడం జరిగింది.

ఎట్టకేలకు ఈ సినిమాకు 'రాంబాన్‌' అనే టైటిల్‌ ను ఖరారు చేసినట్లుగా యూనిట్‌ సభ్యులు పోస్టర్ ను విడుదల చేసి మరీ క్లారిటీ ఇచ్చారు. మోహన్ లాల్ ను అత్యంత పవర్ ఫుల్‌ పాత్ర లో చూడబోతున్నట్లుగా ఈ టైటిల్‌ పోస్టర్‌ ను చూస్తూ ఉంటే అనిపిస్తుందని అభిమానులతో పాటు మీడియా సర్కిల్స్ వారు మాట్లాడుకుంటున్నారు.

ఈ సినిమా టైటిల్ రివీల్ కార్యక్రమంను భారీగా నిర్వహించిన చిత్ర యూనిట్‌ సభ్యులు అందరి దృష్టిని ఆకర్షించారు. టీం అంతా కూడా ఈ కార్యక్రమంలో పాల్గొని అంచనాలు పెంచే విధంగా మాట్లాడారు. టైటిల్ లో ఉన్నంత పవర్‌ ఫుల్ ఎలిమెంట్స్ కచ్చితంగా కథ లో కూడా ఉంటాయి అన్నట్లుగా వారు పేర్కొన్నారు.

ఈ మధ్య కాలంలో మోహన్‌ లాల్ నుంచి మంచి సినిమా లు రావడం లేదు అనే విమర్శలు వస్తున్నాయి. ఈ సినిమా కచ్చితంగా ఫ్యాన్స్ ఆకలి తీర్చే విధంగా ఉంటుంది అంటూ దర్శకుడు జోషి అంటున్నాడు. రాంబాన్ టైటిల్ ను బట్టి కథని రకరకాలుగా ఫ్యాన్స్‌ మరియు ప్రేక్షకులు ఊహించుకుంటూ ఉన్నారు. 2025 ఈస్టర్ కి ఈ సినిమా విడుదల అయ్యే అవకాశాలు ఉన్నాయి.