RC16 : ఎట్టకేలకు ఎదురుచూపులకు తెర
మార్చి 20న టాలీవుడ్ ప్రముఖుల సమక్షంలో చరణ్, బుచ్చిబాబు కాంబో మూవీ షూటింగ్ ప్రారంభం అవ్వబోతున్నట్లు తెలుస్తోంది.
మెగా ఫ్యాన్స్ తో పాటు అన్ని వర్గాల ప్రేక్షకులు ఎంతో ఆసక్తిగా ఎదురు చూస్తున్న చరణ్ - బుచ్చిబాబు మూవీ షూటింగ్ ప్రారంభం కాబోతుంది. ఉప్పెన సినిమాతో దర్శకుడిగా బుచ్చి బాబు ఒక్కసారిగా టాక్‌ ఆఫ్ ది ఇండస్ట్రీగా నిలిచిన విషయం తెల్సిందే. చరణ్ తో బుచ్చి బాబు సినిమా ప్రకటించి ఏడాది దాటింది.
చరణ్ గేమ్ చేంజర్ సినిమాతో బిజీగా ఉండటం వల్ల బుచ్చిబాబు సినిమా షూటింగ్ మొదలు పెట్టలేదు. ప్రస్తుతం కూడా వైజాగ్ లో గేమ్ చేంజర్ సినిమా షూటింగ్ లో చరణ్ పాల్గొంటున్నాడు. ఎట్టకేలకు బుచ్చిబాబు దర్శకత్వంలో రామ్‌ చరణ్ మూవీ షూటింగ్ ప్రారంభంకు సంబంధించిన అప్డేట్ వచ్చింది.
మార్చి 20న టాలీవుడ్ ప్రముఖుల సమక్షంలో చరణ్, బుచ్చిబాబు కాంబో మూవీ షూటింగ్ ప్రారంభం అవ్వబోతున్నట్లు తెలుస్తోంది. ఈ విషయమై ఏ క్షణంలో అయినా అధికారిక ప్రకటన వచ్చే అవకాశాలు ఉన్నాయి. ప్రస్తుతం గేమ్ చేంజర్ షూటింగ్ లో ఉన్న చరణ్ ఆ షెడ్యూల్‌ పూర్తి అవ్వగానే బుచ్చిబాబు మూవీ షూట్‌ లో పాల్గొనబోతున్నాడని సమాచారం అందుతోంది.
రామ్‌ చరణ్, బుచ్చిబాబు కాంబోలో స్పోర్ట్స్‌ రూరల్‌ యాక్షన్ డ్రామాతో మూవీ రూపొందబోతుంది. హీరోయిన్‌ గా జాన్వీ కపూర్‌ ఎంపిక అయ్యింది. మరో హీరోయిన్‌ గా కృతి సనన్‌ ను ఎంపిక చేసేందుకు చర్చలు జరుగుతున్నాయనే వార్తలు వచ్చాయి. భారీ బడ్జెట్‌ తో పాన్ ఇండియా మూవీగా ఈ సినిమాను రూపొందించబోతున్నారు.
రామ్‌ చరణ్, జాన్వీ కపూర్‌ జోడీ కోసం ప్రేక్షకులు చాలా కాలంగా ఎదురు చూస్తున్న విషయం తెల్సిందే. ఎట్టకేలకు ఫ్యాన్స్ ఎదురుచూపులకు తెర పడబోతుంది. గేమ్ చేంజర్ ను ఇదే ఏడాదిలో విడుదల చేసే అవకాశాలు ఉన్నాయి. ఇక బుచ్చిబాబు, చరణ్ కాంబో మూవీ 2025 సమ్మర్ లో విడుదల అయ్యే అవకాశాలు ఉన్నాయని తెలుస్తోంది.