చరణ్ ఫ్యాన్స్ కి బ్యాక్ టు బ్యాక్ 'డబుల్‌' ధమాకా!
అంతటి భారీ విజయాన్ని సొంతం చేసుకున్న తర్వాత చరణ్ నుంచి రాబోతున్న సినిమా పై సర్వత్రా ఉత్కంఠ ఉండటం చాలా కామన్ విషయం.
రామ్ చరణ్ గత చిత్రం ఆర్‌ఆర్‌ఆర్ తో పాన్‌ ఇండియా స్థాయిలో స్టార్‌ డమ్ దక్కించుకున్నాడు. విదేశాల్లో కూడా ఫ్యాన్‌ ఫాలోయింగ్‌ సొంతం చేసుకుని గ్లోబల్‌ స్టార్‌ అంటూ ట్యాగ్‌ ని సొంతం చేసుకున్న విషయం తెల్సిందే. అంతటి భారీ విజయాన్ని సొంతం చేసుకున్న తర్వాత చరణ్ నుంచి రాబోతున్న సినిమా పై సర్వత్రా ఉత్కంఠ ఉండటం చాలా కామన్ విషయం.
ఆర్‌ఆర్‌ఆర్ తర్వాత చరణ్ గేమ్‌ ఛేంజర్ సినిమాతో ప్రేక్షకుల ముందుకు రాబోతున్నాడు. ఇప్పటికే రావాల్సిన గేమ్‌ ఛేంజర్ సినిమా శంకర్‌ బిజీ షెడ్యూల్‌ కారణంగా ఆలస్యం అవుతుంది. ఈ ఏడాదిలో ఖచ్చితంగా గేమ్‌ ఛేంజర్ ఉంటుందనే నమ్మకంను మేకర్స్ కలిగిస్తున్నారు.
గేమ్‌ ఛేంజర్ ఆలస్యం అయిన కారణంగా తదుపరి సినిమా విషయంలో ఆలస్యం వద్దనే ఉద్దేశ్యంతో ఇప్పటికే బుచ్చిబాబు దర్శకత్వంలో తదుపరి సినిమాను మొదలు పెట్టడం జరిగింది. బుచ్చిబాబు సినిమా కోసం రామ్ చరణ్ మరోసారి పల్లెటూరి చిట్టిబాబు గా మారబోతున్నాడు అనే వార్తలు వస్తున్నాయి.
మరో ఆసక్తికర విషయం ఏంటంటే బుచ్చిబాబు తన సినిమాలో చరణ్ ను రెండు విభిన్నమైన పాత్రల్లో చూపించబోతున్నాడట. ఒకటి పాజిటివ్‌ కాగా, రెండోది నెగటివ్‌ షేడ్స్ ఉన్న పాత్ర అన్నట్లుగా వార్తలు వస్తున్నాయి. గేమ్‌ ఛేంజర్ లో చరణ్ రెండు పాత్రల్లో కనిపించబోతున్న విషయం తెల్సిందే.
సాధారణంగా హీరోలు డబుల్‌ రోల్‌ సినిమాలు చేసేందుకు కాస్త భయపడుతారు. ఒక వేళ చేయాలి అనుకున్న వారికి నచ్చిన కథ తో రావడం కష్టం. అలాంటిది రామ్ చరణ్ బ్యాక్ టు బ్యాక్ రెండు సినిమాల్లో కూడా డబుల్‌ రోల్‌ లో కనిపించబోతున్నాడు.
బుచ్చిబాబు దర్శకత్వంలో రూపొందబోతున్న సినిమా ను స్పోర్ట్స్‌ నేపథ్యంలోని కథతో రూపొందించబోతున్నట్లుగా తెలుస్తోంది. అన్ని అనుకున్నట్లుగా జరిగితే ఇదే ఏడాది షూటింగ్‌ ప్రారంభించి వచ్చే ఏడాది సమ్మర్‌ లేదా దసరా వరకు సినిమాను విడుదల చేయాలని బుచ్చిబాబు ప్రయత్నాలు చేస్తున్నాడట.