వాళ్లిద్దరిలో రామ్ ఎవరికి ఓకే చెబుతాడు..?

ఎనర్జిటిక్ స్టార్ రామ్ ప్రస్తుతం డబుల్ ఇస్మార్ట్ సినిమా చేస్తున్నాడు. ఆ సినిమా తర్వాత రామ్ ఎవరితో మూవీ చేస్తాడన్నది ఇంకా తేలలేదు. ఐతే ఇద్దరు దర్శకులు మాత్రం రామ్ తో సినిమా చేసేందుకు లైన్ లో ఉన్నారని అర్థమవుతుంది. ఇంతకీ ఎవరా ఇద్దరు అంటే ఒకరు శ్రీను వైట్ల కాగా మరొకరు హరీష్ శంకర్ అని తెలుస్తుంది. శ్రీను వైట్లతో ఆల్రెడీ రెడీ సినిమా చేశాడు రామ్. ఆ సినిమా సూపర్ హిట్ అయ్యింది. మళ్లీ ఇదే కాంబో సినిమా కోసం ట్రై చేస్తున్నారని తెలుస్తుంది. శ్రీను వైట్ల కూడా కెరీర్ లో అంత గొప్ప ఫాం లో లేడు. మంచు విష్ణు తో ఢీ సీక్వెల్ చేయాలని అనుకున్నా అది ముందుకు కదల్లేదు.

రామ్ తో శ్రీను వైట్ల సినిమా కన్ఫర్మ్ అయితే మాత్రం డైరెక్టర్ కి మరోసారి ప్రూవ్ చేసుకోవడానికి మంచి ఛాన్స్ అన్నట్టే లెక్క. ఇక మరోపక్క హరీష్ శంకర్ కూడా రామ్ తో సినిమాకు ప్రయత్నిస్తున్నాడని టాక్. పవన్ కళ్యాణ్ తో ఉస్తాద్ భగత్ సింగ్ ఫిక్స్ చేసుకున్న హరీష్ శంకర్ ఆ సినిమాను మధ్యలో పెట్టి రవితేజతో మిస్టర్ బచ్చన్ చేస్తున్నాడు. మిస్టర్ బచ్చన్ పూర్తయ్యాక మళ్లీ పవన్ సినిమా పూర్తి చేసే ఆలోచనలో ఉన్నాడు.

పవన్ కళ్యాణ్ ఉస్తాద్ భగత్ సింగ్ తర్వాత రామ్ తో హరీష్ శంకర్ సినిమా ఉండే అవకాశం ఉందట. ఆల్రెడీ రామ్ తో సినిమాకు మైత్రి మూవీ మేకర్స్ అడ్వాన్స్ ఇచ్చారని తెలుస్తుంది. మరి డైరెక్టర్ గా ఎవరిని ఫైనల్ చేస్తారన్నది చూడాలి. ఉస్తాద్ భగత్ సింగ్ కూడా మైత్రి మేకర్స్ నిర్మాణంలోనే వస్తుంది. సో హరీష్ శంకర్ తోనే మైత్రి మూవీ మేకర్స్ రామ్ సినిమా ప్లాన్ చేస్తున్నారా అన్నది తెలియాల్సి ఉంది.

ది వారియర్, స్కంద సినిమాలు నిరాశపరచగా డబుల్ ఇస్మార్ట్ తో ఎలాగైనా హిట్ అందుకోవాలని చూస్తున్నాడు రామ్. పూరీ జగన్నాథ్ కూడా ఎక్కడ కాంప్రమైజ్ అవ్వకుండా ఈ సినిమా చేస్తున్నాడని తెలుస్తుంది. తప్పకుండా పూరీ, రామ్ డబుల్ ఇస్మార్ట్ సంచలనాలు సృష్టిస్తుందని అంటున్నారు. డబుల్ ఇస్మార్ట్ తర్వాత రామ్ హరీష్ శంకర్, శ్రీను వైట్ల ఇద్దరిలో ఒకరితో ఐతే సినిమా చేసే అవకాశాలు కనిపిస్తున్నాయి. మరి ఈ సినిమా అనౌన్స్ మెంట్ ఎప్పుడు వస్తుందో చూడాలి.