రానాకి జూనియ‌ర్ దుల్క‌ర్..ఎక్క‌డో తెలుసా?

ఇండ‌స్ట్రీలోనే పుట్టి పెర‌గ‌డంతో రానా కి ప‌రిశ్ర‌మ నుంచి చాలా మంది స్నేహితులున్నారు. రామ్ చ‌ర‌ణ్‌..బ‌న్నీ.. శ‌ర్వానంద్ మంచి స్నేహితులు. స్కూల్ డేస్ నుంచే స్నేహితులు. అటుపై క్లాసులు ఎగ్గొట్టి బ‌లా దూర్ తిరిగిన స్నేహం వీళ్ల సొంతం. రానా న‌టుడైన త‌ర్వాత ప్ర‌భాస్ తోనూ క్లోజ్ అయ్యారు. ఇద్ద‌రు క‌లిసి 'బాహుబ‌లి' చేయ‌డంతో ఆ బాండింగ్ బిల్డ్ అయింది. రానాలో కొన్ని రేర్ క్వాలిటీస్.. పాజిటివిటీ ఆయ‌న‌కు ప‌రిశ్ర‌మ చాలా మంది స్నేహితుల్ని అందించింది.

నేచుర‌ల్ స్టార్ నానితోనూ చాలా క్లోజ్ గా ఉంటారు. ఇద్ద‌రి మ‌ధ్య అరేయ్..ఉరేయ్ అనుకునే రేంజ్ లో స్నేహం ఉంది. ఇలా చెప్పుకుంటే పోతే రానాకి చాలా మంది స్నేహితులున్నారు. అలాగే ఇత‌ర ప‌రిశ్ర‌మ‌ల హీరోల‌తోనూ రానాకి మంచి స్నేహం ఉంది. చెన్నైలో ఇండ‌స్ట్రీ ఉండ‌టంతో అక్క‌డ న‌టుల‌తోనూ రానాకి మంచి ర్యాపో ఉంది. తాజాగా మ‌ల‌యాళ న‌టుడు దుల్క‌ర్ స‌ల్మాన్ కూడా మంచి స్నేహితుడ‌ని తెలుస్తోంది. ఈ విష‌యాన్ని రానా రివీల్ చేసాడు.

'దుల్క‌ర్ యాక్టింగ్ స్కూల్లో నాకు జూనియ‌ర్. చాలా ప‌ద్ద‌తిగా ఉండే వ్య‌క్తి. కామ్ గోయింగ్ ప‌ర్స‌నాల్టీ. అలాంటి దుల్క‌ర్ 'కింగ్ ఆఫ్ కొత్త' లాంటి యాక్ష‌న్ సినిమా చేయ‌డం కొత్త‌గా' ఉంద‌న్నారు. ఆ స్నేహంతోనే రానా --దుల్క‌ర్ తో ఓ సినిమా కూడా నిర్మిస్తున్నారు. పాన్ ఇండియాలో దీన్ని ప్లాన్ చేస్తున్నారు. 'సీతారామం' సినిమాతో దుల్క‌ర్ కి తెలుగులో మంచి పేరొచ్చిన సంగ‌తి తెలిసిందే.

ఇక్క‌డ సినిమాలు చేయాల‌ని నిర్మాత‌లు - ద‌ర్శ‌కులు ఆఫ‌ర్లు ఇస్తున్నారు. ఇప్పుడిప్పుడు మాలీవుడ్ సినిమాలు త‌గ్గించి తెలుగు పై ఫోక‌స్ పెడుతున్నారు. అలాగే దుల్క‌ర్ టాలీవుడ్ లో స్టార్ హీరోల‌తో మంచి స్నేహం ఉంది. దుల్క‌ర్ నట‌న అంటే ఇక్క‌డ న‌టులు చాలా మంది ఇష్ట‌ప‌డ‌తారు. వాళ్లంతా సినిమా ప్ర‌మోష‌న్ల లో ఒక‌రికొక‌రు స‌హ‌క‌రించుకుంటారు.