సూపర్ స్టార్ రణబీర్ కిర్రాక్ జోరు

బాలీవుడ్ స్టార్ రణబీర్ కపూర్ హీరోగా సందీప్ రెడ్డి వంగా దర్శకత్వంలో తెరకెక్కి ప్రేక్షకుల ముందుకి వచ్చిన సినిమా యానిమల్. ఈ సినిమా సూపర్ హిట్ టాక్ సొంతం చేసుకొని కలెక్షన్స్ పరంగా దూసుకుపోతోంది. ఇప్పటికే ప్రపంచ వ్యాప్తంగా 250 కోట్ల కలెక్షన్స్ ని సొంతం చేసుకుంది. ఈ మరింత పెరిగే అవకాశం కనిపిస్తోంది. రణబీర్ కపూర్ కెరియర్ లో హైయెస్ట్ కలెక్షన్స్ ఈ సినిమాకి వచ్చే అవకాశం ఉందని అంచనా వేస్తున్నారు.

బాలీవుడ్ మంచి టాలెంటెడ్ యాక్టర్ అయిన కూడా రణబీర్ కపూర్ కి రావాల్సినంత గుర్తింపు అయితే రాలేదని చెప్పాలి. పాత్రల కోసం తనని తాను ఎలా అయిన మార్చేసుకుంటాడు. అయితే అమీర్ ఖాన్, షారుఖ్ ఖాన్ లకి వచ్చిన ఇమేజ్ రణబీర్ కపూర్ కి రాలేదు. బర్ఫీ సినిమాలో అతని అద్భుతమైన పెర్ఫార్మెన్స్ కి విమర్శకుల ప్రశంసలు లభించాయి.

అయితే యానిమల్ మూవీ మాత్రం రణబీర్ కపూర్ ని నెక్స్ట్ లెవల్ లో రిప్రజెంట్ చేసింది. బాలీవుడ్ యాక్టర్స్ ఎవరూ కూడా పేరు ముందు స్టార్ ట్యాగ్ పెట్టుకోరు. కాని సందీప్ రెడ్డి వంగా మాత్రం రణబీర్ కపూర్ కి సూపర్ స్టార్ ట్యాగ్ టైటిల్స్ లో ఇచ్చాడు. యానిమల్ సినిమాలో అతని పెర్ఫార్మెన్స్ చూసిన తర్వాత సందీప్ రెడ్డి వంగా ఇచ్చిన సూపర్ స్టార్ క్రెడిట్ కి 100 శాతం అర్హత రణబీర్ కపూర్ కి ఉందనే కామెంట్స్ వినిపిస్తున్నాయి.

యానిమల్ లో యువకుడిగా, మధ్యవయస్కుడిగా, 60 వ్యక్తి మూడు వేరియేషన్స్ లో రణబీర్ కపూర్ తనని తాను ఆవిష్కరించుకున్నాడు. మూడు పాత్రలకి పెర్ఫార్మెన్స్ పరంగా కూడా వ్యత్యాసం చూపించి విమర్శకుల ప్రశంసలు అందుకున్నాడు. ఈ కారణంగానే రణబీర్ కపూర్ కి సూపర్ స్టార్ ట్యాగ్ కరెక్ట్ అనే మాట వినిపిస్తోంది.

ఇక ఈ సినిమాతో బాలీవుడ్ స్టార్ హీరోలైన ఖాన్ త్రయం పక్కన స్థానం సంపాదించుకోవడం గ్యారెంటీ అనే మాట వినిపిస్తోంది. బాలీవుడ్ లో నెక్స్ట్ స్టార్ హీరోల కేటగిరీలో రణబీర్ కపూర్ ముందు వరుసలో ఉంటాడని యానిమల్ ప్రూవ్ చేసింది. ఈ సినిమా తర్వాత అతని క్రేజ్, రెమ్యునరేషన్ అమాంతం పెరిగిపోవచ్చని ట్రేడ్ పండితులు అంచనా వేస్తున్నారు.