ఏడు వసంతాల 'ది గర్ల్‌ ఫ్రెండ్‌'
కన్నడ మూవీ కిరిక్ పార్టీ తో సరిగ్గా ఇదే రోజున 2016న ఇండస్ట్రీకి పరిచయం అయిన ముద్దుగుమ్మ రష్మిక మందన్న.
కన్నడ మూవీ కిరిక్ పార్టీ తో సరిగ్గా ఇదే రోజున 2016న ఇండస్ట్రీకి పరిచయం అయిన ముద్దుగుమ్మ రష్మిక మందన్న.మొదటి సినిమాతోనే కన్నడ సినీ ప్రేమికుల హృదయాలను గెలుచుకున్న ఈ అమ్మడు తెలుగు లో ఛలో సినిమా తో ఎంట్రీ ఇచ్చింది. ఆ సినిమా విజయం సాధించడంతో పాటు, తదుపరి సినిమా గీత గోవిందం కూడా సూపర్‌ హిట్ అయింది.
కన్నడ మూవీతో ఎంట్రీ ఇచ్చినా కూడా టాలీవుడ్‌ లో వరుసగా రెండు సినిమాలు హిట్ అవ్వడంతో ఒక్కసారిగా సౌత్‌ స్టార్ హీరోయిన్ గా ఈ అమ్మడు నిలిచింది. తెలుగులో అత్యధిక పారితోషికం అందుకునే హీరోయిన్ గా నిలవడంతో పాటు బాలీవుడ్ లో కూడా వరుసగా సినిమాలు చేస్తూ వచ్చింది.
తాజాగా పుష్ప మరియు యానిమల్ సినిమాలతో పాన్‌ ఇండియా స్టార్ హీరోయిన్ గా నేషనల్‌ క్రష్ రష్మిక మందన్న నిలిచింది అనడంలో సందేహం లేదు.కిరిక్ పార్టీ సినిమా తో ఇండస్ట్రీలో అడుగు పెట్టి ఏడు వసంతాలు పూర్తి చేసుకున్న ఈ అమ్మడు ఈ మధ్య కాలంలో మరింత జోష్‌ తో సినిమాల్లో నటిస్తోంది.
ఈ అమ్మడు మరో ఏడు వసంతాల పాటు స్టార్ హీరోయిన్ గా ఇండస్ట్రీలో కొనసాగే అవకాశాలు పుష్కలంగా ఉన్నాయి అంటూ ఆమె ఫ్యాన్స్ నమ్మకం వ్యక్తం చేస్తున్నారు.ప్రస్తుతం పుష్ప 2 లో నటిస్తున్న రష్మిక మరో వైపు హిందీలో కూడా కొన్ని సినిమాలకు కమిట్‌ అయింది.
ఇక లేడీ ఓరియంటెడ్‌ సినిమాలు అయిన ది గర్ల్‌ ఫ్రెండ్‌, రెయిన్‌ బో, చావా సినిమాల్లో నటిస్తోంది. భవిష్యత్తులో మరిన్ని టాలీవుడ్‌ మరియు హిందీ సినిమాలను ఈ అమ్మడు చేసే అవకాశాలు కనిపిస్తున్నాయి. ఏడు వసంతాలు పూర్తి చేసుకున్న రష్మిక మందన్న పేరుతో ఫ్యాన్స్ ఎక్స్ లో ట్రెండ్డింగ్‌ చేస్తున్నారు. జాతీయ స్థాయిలో ఆ హ్యాష్ ట్యాగ్‌ ట్రెండ్ అవుతోంది.