పిక్ టాక్ : అందం రాశి పోసినట్లు...!

ఊహలు గుసగుసలాడే సినిమాతో తెలుగు ప్రేక్షకులకు హీరోయిన్ గా పరిచయం అయిన ముద్దుగుమ్మ రాశి ఖన్నా. ఈ అమ్మడు తెలుగు తో పాటు తమిళ ఇండస్ట్రీలో కూడా పలువురు యంగ్‌ స్టార్‌ హీరోలతో సినిమాలు చేసి మంచి గుర్తింపు దక్కించుకుంది. ఈ మధ్య కాలంలో ఈ అమ్మడు కోలీవుడ్‌ కే ఎక్కువగా పరిమితం అవుతోంది.

తెలుగు లో ఈ అమ్మడు ఆశించిన స్థాయిలో ఆఫర్లు రావడం లేదు, అదే సమయంలో యంగ్‌ హీరోలతో చేసిన సినిమాలు బాక్సాఫీస్ వద్ద బొక్క బోర్లా పడుతున్నాయి. దాంతో ఈ అమ్మడు కోలీవుడ్‌ పై ఎక్కువ దృష్టి పెట్టింది. తాజాగా ఈ అమ్మడు బాలీవుడ్‌ వైపు కూడా అడుగులు వేసేందుకు ప్రయత్నాలు చేస్తుందా అని ఈ ఫోటోలు చూస్తూ ఉంటే అనిపిస్తుంది.

బ్లూ కలర్‌ జీన్స్‌ లో విభిన్నమైన ఔట్‌ ఫిట్ తో రాశి ఖన్నా చూపరులకు కన్నుల విందు చేస్తుంది. రాశి అందం రాశి పోసినట్లుగా అందంగా ఉంది. సోషల్‌ మీడియాలో ఈ ఫోటోలు షేర్‌ చేయడం ద్వారా ముద్దుగుమ్మకు మరింత పాపులారిటీ లభించడం ఖాయం అన్నట్లుగా ఆమె ఫ్యాన్స్ మరియు నెటిజన్స్‌ కామెంట్స్ చేస్తున్నారు.

బాలీవుడ్‌ ముద్దుగుమ్మల రేంజ్ లో అందాల ఆరబోత ఫోటోలు షేర్ చేస్తున్న రాశి ఖన్నాను ముందు ముందు హిందీ సినిమాల్లో చూసే అవకాశాలు లేకపోలేదు అనిపిస్తుంది. కాస్త సీరియస్ గా ట్రై చేస్తే కచ్చితంగా రాశి ఖన్నాకు ఉత్తరాది నుంచి పిలుపు వచ్చే అవకాశాలు ఉన్నాయని కొందరు అభిప్రాయం వ్యక్త పర్చుతున్నారు.