హిట్టు కొడుతున్నాం అని మాస్ రాజాకి అర్ధమైందా ?

ఒక సినిమా రిలీజ్ కు ముందే హిట్ వైబ్ అప్పుడప్పుడు కనిపిస్తుంది. అదేంటి సినిమా రిలీజ్ కాకుండానే హిట్ వైబా అదెలా అనుకోవచ్చు. స్టార్ కాంబో.. సరైన రిలీజ్ డేట్.. ఆకట్టుకునే టీజర్, ట్రైలర్.. మాస్ మసాలా కంటెంట్ ఇది పక్కీ కాలిక్యులేషన్స్ ఉన్న హిట్ సినిమా లెక్క. ఐతే ఈ ఫార్మాట్ లో వచ్చి ఫ్లాపైన సినిమాఒలు ఉన్నాయి కానీ ఆడియన్స్ ని ఎంగేజ్ చేయడంలో సక్సెస్ అయితే మాత్రం సూపర్ హిట్ కొట్టేస్తాయి. రాబోతున్న ఆగష్టు 15 సినిమాల్లో ఆ హిట్ వైబ్ కనిపిస్తున్న సినిమా మిస్టర్ బచ్చన్.

హరీష్ శంకర్ డైరెక్షన్ లో మాస్ మహరాజ్ రవితేజ హీరోగా వస్తున్న సినిమా మిస్టర్ బచ్చన్. ఈ సినిమాను పీపుల్ మీడియా ఫ్యాక్టరీ నిర్మిస్తుంది. రీసెంట్ గా సినిమా నుంచి టీజర్ రిలీజ్ చేయగా అది చూసిన మాస్ రాజా ఫ్యాన్స్ మిస్టర్ బచ్చన్ హిట్టు సినిమా అని ఫిక్స్ అయిపోయారు. సినిమా టీజర్, ట్రైలర్ సినిమా మీద అంచనాలు పెంచడానికి అలానే ఇంట్రెస్టింగ్ గానే కట్ చేస్తారు అయినంత మాత్రాన సినిమా హిట్ అవుతుందా అంటే.. అక్కడ ఉంది హరీష్ శంకర్ కాబట్టి కచ్చితంగా నమ్మాల్సిందే.

తను చేసేది రీమేక్ లే అయినా హరీష్ శంకర్ తనకు సినిమాను ఎలా ఆడియన్స్ కు చేరవేయాలో బాగా తెలుసు. సినిమా సినిమాకు కాస్త గ్యాప్ ఎక్కువ తీసుకుంటాడన్న కంప్లైంట్ ఉన్నా అది అలా జరిగిపోతుందని చెప్పుకుంటారు. రవితేజతో మిరపకాయ్ చేసి హిట్ అందుకున్న హరీష్ శంకర్ మళ్లీ ఇన్నాళ్లకు మిస్టర్ బచ్చన్ తో కలిసి పనిచేశాడు. సినిమా అవుట్ పుట్ బాగా రావడంతో సినిమా పక్కా ఆడియన్స్ ని రీచ్ అవుతుందని చిత్ర యూనిట్ చెబుతున్నారు.

హరీష్ శంకర్ డైరెక్షన్ టాలెంట్ తెలుసు కాబట్టి రవితేజ కూడా సినిమా సక్సెస్ అందుకుంటుందనే నమ్మకంతోనే ఉన్నాడట. ధమాకా తర్వాత భారీ అంచనాలతో వచ్చిన సినిమాలన్నీ రవితేజకు నిరాశ మిగిల్చాయి అందుకే మిస్టర్ బచ్చన్ గురించి తను మాట్లాడటం కాదు సినిమా మాట్లాడుతుందని రవితేజ ఫిక్స్ అయ్యాడట. సినిమా టీజర్ రిలీజ్ రోజు ఆయన రాకపోవడానికి రీజన్స్ ఏంటో తెలియదు కానీ రవితేజకు టీజర్ ద్వారా వచ్చిన రెస్పాన్స్ చూస్తే ఫ్యాన్స్ ఈసారి తనకు సూపర్ హిట్ ఇచ్చేస్తారని ఫిక్స్ అయ్యాడని అనిపిస్తుంది.