అకిరా ఎంట్రీ.. రేణు దేశాయ్ ట్విస్ట్

స్టార్ హీరోల కొడుకులు మళ్లీ హీరోలు కావడం చాలా కామన్. బాలకృష్ణ, నాగార్జునలు కూడా అలా తండ్రి వారసత్వంతో వచ్చిన వారు. ఇప్పుడు ఉన్న చాలా మంది స్టార్ హీరోలు తండ్రి వారసత్వం తీసుకొని వచ్చినవారే. ఈ క్రమంలో పవర్ స్టార్ పవన్ కళ్యాణ్ కుమారుడు అకీరా నందన్ ఎప్పుడెప్పుడు హీరోగా ఎంట్రీ ఇస్తాడా అని అందరూ ఎదురు చూస్తున్నారు. ఫ్యాన్స్ కూడా కుదిరినప్పుడల్లా ఇదే విషయాన్ని తరచూ అడుగుతూనే ఉన్నారు.

అయితే, ఈ విషయంలో పవన్ మాజీ భార్య రేణు దేశాయ్ షాకింగ్ కామెంట్స్ చేసింది. అసలు అకీరా నందన్ కి మీరో అవ్వాలనే కోరికే లేదని, నటన పట్ల పెద్దగా ఆసక్తి లేదు అని చెప్పి షాకిచ్చింది. ఈ మాట విన్న తర్వాత ఫ్యాన్స్ గుండె పగిలినంత పని అయ్యింది. అసలు రేణు దేశాయ్ ఈ మాట ఎందుకు చెప్పాల్సి వచ్చింది అంటే..

ప్రముఖ టాలీవుడ్ దర్శకుడు కె. రాఘవేంద్రరావు తన మనవడు కార్తికేయ, పవన్ కళ్యాణ్ తనయుడు అకీరా నందన్‌తో కలిసి ఉన్న ఫోటోను సోషల్ మీడియాలో షేర్ చేశారు. వీరిద్దరూ యూఎస్ లోని ఫిల్మ్ స్కూల్లో తమ చదువును ప్రారంభిస్తున్నారని రాఘవేంద్రరావు పేర్కొన్నారు. దీంతో, వీరిద్దరూ యాక్టింగ్ పై ఫోకస్ పెడుతున్నారని అందరూ అనుకున్నారు.

ముఖ్యంగా అకీరా హీరోగా తన ఎంట్రీపై ఇప్పటి నుంచే ఫోకస్ పెట్టాడు అని అందరూ అనుకున్నారు. అయితే, అభిమానులకు ఈ విషయంలో రేణు దేశాయ్ ఊహించని షాక్ ఇచ్చింది. ఇప్పటి వరకు అయితే, అకీరాకు హీరో అవ్వాలనే కోరిక లేదు అని చెప్పింది. భవిష్యత్తులో ఏం జరుగుతుందో మాత్రం తాను ఇప్పుడే చెప్పలేనని ఆమె అన్నారు. తాను ఇన్ స్టాగ్రామ్ లో పోస్టు పెట్టిన ప్రతిసారీ మీకు నచ్చింది మీరు ఊహించుకోకండి అని ఫ్యాన్స్ ని ఉద్దేశించి కామెంట్ చేశారు. నిజంగా, అకీరా సినిమాల్లోకి రావాలి అనుకుంటే, ఆ విషయాన్ని తానే అందరికన్నా ముందు ప్రకటిస్తానని ఆమె చెప్పడం విశేషం.

ఒక్కసారిగా అకీరాకి హీరో అవ్వడం ఇష్టం లేదు అని ఆమె చెప్పిన మాటలు అదరినీ షాకింగ్ కి గురి చేశాయి. అయితే, భవిష్యత్తులో మాత్రం కచ్చితంగా అకీరా హీరో అవ్వడం కాయం అని ఇప్పటికీ ఫ్యాన్స్ నమ్ముతున్నారు. మరి ఆ రోజు ఎప్పుడు వస్తుందో చూడాలి.