క‌త్తి దూసిన కాంతార స్టార్ ఏ రేంజ్ లో అంటే!

క‌న్న‌డ న‌టుడు రిష‌బ్ శెట్టి ఇటీవ‌లే జాతీయ ఉత్త‌మ న‌టుడిగా ఎంపికైన సంగ‌తి తెలిసిందే. ఈ గుర్తింపు న‌టుడిగా రిష‌బ్ శెట్టి పై మ‌రింత బాధ్య‌త పెంచింది. కాంతార న‌ట‌న మెచ్చి తెచ్చిన అవార్డు ఇది. ఆసినిమాకి ప్రీక్వెల్ కాంతార‌-2 చేస్తోన్న స‌మ‌యంలో ఉత్త‌మ న‌టుడి ఎంపిక అన్న‌ది? ఎంతో బ‌రువైన బాధ్య‌త. ప్ర‌స్తుతం ఆ సినిమా ప‌నుల్లోనే రిష‌బ్ శెట్టి బిజీగా ఉన్నాడు.

ఇప్ప‌టికే స్క్రిప్ట్ సిద్దం చేసుకుని రెడీగా ఉన్నాడు.బెంగుళూరు ఔట‌ర్ లో కొన్ని భారీ సెట్లు నిర్మిస్తున్నారు. అతి త్వర‌లోనే షూటింగ్ ప్రారంభం కానుంది. ఈ నేప‌థ్యంలో తాజాగా రిష‌బ్ శెట్టి న్యూలుక్ ఒక‌టి నెట్టింట వైరల్ అవుతుంది. ఇందులో హీరో క‌త్తి దూసి క‌ద‌న‌రంగంలోకి దూకుతున్న వీరుడ్ని హైలైట్ చేసాడు. క‌త్తి యుద్దానికి సంబంధించి ప్ర‌త్యేక శిక్ష‌ణ తీసుకుంటున్నాడు.

ఒక‌ చేతిలో ర‌క్ష‌క క‌వ‌చం...మ‌రో చేతిలో ప‌దునైన క‌త్తి తో శ‌త్రువుపై దూక‌డానికి సంసిద్ద‌మైన వేళ‌.మొల‌కి లంగోటా....న‌లుపు రంగు బ‌నియ‌న్ ధ‌రించి వీరుడి ఫోజులో క‌నిపిస్తున్నాడు. ప్ర‌స్తుతం ఈ ఫోటో నెట్టింట వైర‌ల్ అవుతుంది. రిశ‌బ్ శెట్టి శ‌రీరంలో భారీ మార్పులు తీసుకొచ్చిన‌ట్లు క‌నిపిస్తుంది.`కాంతార‌`లో చ‌బ్బీ లుక్ లో క‌నిపించినా ప్రీక్వెల్ కోసం బాడీనీ షైన్ చేసాడు.

చేతి కండ‌లు తిప్పాడు. శ‌రీర‌మంతా ఫిట్ గా క‌నిపిస్తుంది. ముఖంలోనూ సైతం కొన్ని మార్పులు క‌నిపిస్తున్నాయి. గుబురు గడ్డం కొన్ని నెల‌లుగా మెయింటెన్ చేస్తున్నాడు. ప్రీలుక్ ఈ రేంజ్ లో ఉందంటే? అస‌లైన యుద్ద వీరుడ్ని పోస్ట‌ర్ లో ఇంకే రేంజ్ లో హైలైట్ చేస్తాడో చూడాలి.