సైంధవ్.. వెంకీ మాస్ ట్విస్ట్

హిట్ సీరీస్ తో బాక్సాఫీస్ వద్ద సాలీడ్ హిట్స్ అందుకున్న టాలెంటెడ్ దర్శకుడు శైలేష్ కొలను ఇప్పుడు వెంకటేష్ తో అంతకంటే పవర్ఫుల్ సినిమాను ప్రేక్షకుల ముందుకు తీసుకు రాబోతున్నాడు. విక్టరీ వెంకటేష్ ల్యాండ్‌మార్క్ 75వ చిత్రంగా సైంధవ్ విడుదల కానుంది. ఇక 2024లో విడుదలవుతున్న మోస్ట్ ఎవైటెడ్ పాన్ ఇండియా ప్రాజెక్ట్‌లలో ఒకటి.

ఇక సినిమాను మొదట డిసెంబర్ లో విడుదల చేయాలని అనుకున్నారు. కానీ ఆ తరువాత మళ్ళీ సంక్రాంతికి షిఫ్ట్ చేశారు. ఇక దీపావళి పర్వదినాన్ని పురస్కరించుకుని చిత్ర నిర్మాతలు ఓ అప్‌డేట్‌ను అందించారు. ఈ సినిమాలో ఎక్కువగా యాక్షన్ హై వోల్టేజ్ సీన్స్ ఉంటాయని అలాగే కూతురు సెంటిమెంట్ కూడా బలంగా ఉండనున్నట్లు అప్డేట్స్ ద్వారా క్లారిటీ వచ్చింది.

అయితే ఇప్పుడు ఒక సాంగ్ తో ఇందులో వెంకీ మాస్ ట్విస్ట్ ఇవ్వనున్నట్లు అర్ధమవుతోంది. నవంబర్ 21న సినిమా యొక్క మొదటి రాంగ్ యూసేజ్‌ అనే పాటకు విడుదల చేయబోతున్నట్లు ఒక అఫీషియల్ పోస్టర్ ద్వారా తెలియజేశారు.ఈ సాంగ్ తోనే రెగ్యులర్ ప్రమోషన్స్ షురూ చేస్తున్నారు. పాట పోస్టర్‌లో వెంకటేష్ డ్యాన్సర్‌లతో మాస్ డ్యాన్స్‌లు చేయిస్తున్నట్లు కనిపిస్తోంది.

సంతోష్ నారాయణన్ స్వరపరిచిన ఈ సాంగ్ వెంకీ బెస్ట్ సాంగ్స్ లో ఒకటిగా నిలుస్తుందని చిత్ర యూనిట్ చెబుతోంది. గత నెలలో విడుదల చేసిన సైంధవ్ సినిమా టీజర్‌కి అన్ని వర్గాల ప్రేక్షకుల నుంచి అద్భుతమైన రెస్పాన్స్ అందుకుంది. శైలేష్ కొలను వెంకటేష్‌ని మునుపెన్నడూ లేని ఘాటైన అవతార్‌లో ప్రెజెంట్ చేశారని పలువురు అభిప్రాయపడ్డారు.

నిహారిక ఎంటర్‌టైన్‌మెంట్ పతాకంపై వెంకట్ బోయనపల్లి నిర్మిస్తున్న ఈ చిత్రానికి సినిమాటోగ్రఫీ: ఎస్.మణికందన్. అవినాష్ కొల్లా ప్రొడక్షన్ డిజైనర్, గ్యారీ బిహెచ్ ఎడిటర్. ఇక సినిమాలో నవాజుద్దీన్ సిద్ధిఖీ, ఆర్య, శ్రద్ధా శ్రీనాథ్, రుహాని శర్మ, ఆండ్రియా జెరెమియా, బేబీ సారా, జయప్రకాష్‌లు ఈ చిత్రంలో నటిస్తున్నారు. కిషోర్ తాళ్లూరు సహ నిర్మాత కాగా.. సైంధవ్ జనవరి 13, 2024న పాన్ ఇండియా రేంజ్ కు తగ్గట్టుగా విడుదల కాబోతోంది.