ప్రభాస్.. ఇంత బిజీలో కూడా సిద్ధమేనా?

డార్లింగ్ ప్రభాస్, ప్రశాంత్ నీల్ కాంబో సలార్ తాజాగా ప్రేక్షకుల ముందుకి వచ్చి సూపర్ హిట్ టాక్ సొంతం చేసుకున్న సంగతి తెలిసిందే. అయితే ఈ మూవీ ఇంకా బ్రేక్ ఈవెన్ కలెక్షన్స్ అయితే కొన్ని ప్రాంతాలలో అందుకోలేదు. సినిమాకి పాజిటివ్ టాక్ వచ్చిన కూడా ప్రశాంత్ నీల్ మూవీని కరెక్ట్ గా మార్కెట్ చేయకపోవడం వలన ఆశించిన స్థాయిలో కలెక్షన్స్ వచ్చే పరిస్థితి కనిపించడం లేదు.

ఇదిలా ఉంటే ఈ మూవీకి పాజిటివ్ టాక్ రావడంతో పాటు ఖాన్సార్ ప్రపంచం గురించి, సలార్ 1లో చెప్పని ఎన్నో ప్రశ్నలకి సమాధానాలు తెలుసుకోవడం కోసం ఆడియన్స్ ఆసక్తిగా ఎదురుచూస్తున్నారు. మూవీ ఎండింగ్ లో ప్రశాంత్ నీల్ సలార్ 2 కోసం చాలా ప్రశ్నలు విడిచిపెట్టారు. ఇప్పుడు వీటన్నింటికి వీలైనంత వేగంగా సమాధానం చెబితే బాగుంటుందని ఫ్యాన్స్ ఎక్స్ పెక్ట్ చేస్తున్నారు.

సలార్ కి వచ్చిన రెస్పాన్స్ తో ప్రభాస్ కూడా హ్యాపీగా ఉన్నాడని తెలుస్తోంది. దీంతో వీలైనంత వేగంగా సలార్ 2 శౌర్యాంగ పర్వం గురించి చెప్పాలని ప్రశాంత్ నీల్ కి సూచించారని టాక్ వినిపిస్తోంది. ప్రస్తుతం కల్కి, రాజా డీలాక్స్ ఉన్న కూడా వాటితో పాటుగానే సలార్ 2ని కూడా వీలైనంత వేగంగా పూర్తి చేయాలని చెప్పినట్లు సమాచారం.

సలార్ పార్ట్ 1కి వచ్చిన రెస్పాన్స్ బట్టి శౌర్యాంగపర్వం ప్లాన్ చేయాలని ప్రశాంత్ నీల్ ముందుగానే అనున్నారంట. సినిమాకి పాజిటివ్ టాక్ రావడంతో ఇప్పుడు తక్కువ సమయంలో సలార్ 2 తీసుకోచ్చేయాలని అనుకుంటున్నట్లు తెలుస్తోంది. వచ్చే ఏడాదిలోనే ఆ సినిమా కూడా ఉండే ఛాన్స్ ఉంది. అయితే ప్రశాంత్ నీల్ ఎన్టీఆర్ తో మూవీ కమిట్ అయ్యి ఉన్నాడు.

ప్రస్తుతం ఎన్టీఆర్ కమిట్మెంట్ లు చూస్తే మరో ఆరు నెలల వరకు అందుబాటులోకి రాకపోవచ్చు. ఈ లోపు సలార్ 2 ఫినిష్ చేసేస్తే మంచిందని డార్లింగ్ ఫ్యాన్స్ కోరుకుంటున్నారు. మరి దీనిపై ప్రశాంత్ నీల్ ఎప్పుడు క్లారిటీ ఇస్తాడు అనేది ఆసక్తికరంగా మారింది.