'సలార్‌ 2' చెప్పే సమాధానాలు ఇవే

ప్రభాస్‌, ప్రశాంత్ నీల్ కాంబోలో వచ్చిన సలార్‌ సినిమా భారీ విజయాన్ని సొంతం చేసుకుంది. రికార్డ్‌ స్థాయి వసూళ్లు నమోదు చేసిన సలార్‌ సినిమా కి సీక్వెల్‌ రావాల్సి ఉంది. బాహుబలి 1 విడుదల అయిన సమయంలో బాహుబలి ని కట్టప్ప ఎందుకు చంపాడు అనే ప్రశ్న పెద్ద ఎత్తున బాహుబలి 2 పై ఆసక్తిని రేకెత్తించిన విషయం తెల్సిందే.

ఇప్పుడు సలార్‌ 2 కోసం కూడా ప్రేక్షకులు ఎదురు చూసే విధంగా సలార్‌ 1 చూసిన ప్రేక్షకుల మదిలో ఎన్నో ప్రశ్నలు మెదులుతున్నాయి. దాదాపు పది ప్రశ్నలకు సలార్ 2 సమాధానం చెప్పాల్సి ఉంది. ఆ సమాధానాల కోసం ఇప్పటి నుంచే సోషల్‌ మీడియా ద్వారా ప్రభాస్ అభిమానులతో పాటు సాధారణ ప్రేక్షకులు ఎదురు చూస్తున్నామని చర్చించుకుంటూ ఉన్నారు.

ప్రాణ స్నేహితులు అయిన దేవ మరియు వరద ఎందుకు బద్ద శత్రువులుగా మారారు. వారి మధ్య అంత శత్రుత్వంకు గల కారణం ఏంటి అనేది సలార్ 2 లో చూడాలి. ఖాన్సార్ కి చెందిన వారు కృష్ణకాంత్ మరియు ఆయన కూతురు కోసం ఏడు సంవత్సరాలు ఎందుకు వెతుకుతూ ఉన్నారు. కృష్ణకాంత్‌ ఎందుకు తన కూతురుతో కలిసి విదేశాలకు పారిపోయాడు?

రాధారమా ఏడేళ్ల పాటు చీకట్లో పగతో రగలి పోవడంకు కారణం ఏంటి.. ఆమె పనిమనిషి అయిన ఓబులమ్మ ఎందుకు అధికారం చేత పట్టింది? రాధారమ తన భర్త శౌర్యంగా అని తెలిసిన తర్వాత ఏం చేస్తుంది? శౌర్యంగా తెగ తిరిగి ఎలా పుంజుకుంది?

ఏడు సంవత్సరాల పాటు దేవ తో కలిసి అతడి తల్లి ఖాన్సార్ కి దూరంగా, దొరక కుండా ఎందుకు పరిగెడుతూ ఉంటారు? తన సలార్‌ అంటూ దేవను వరద ప్రకటించిన తర్వాత ఏం జరిగింది? సలార్ 1 లో చూపించిన కొన్ని పాత్రలను అసంపూర్తిగా చూపించడానికి కారణం ఏంటి?

ఇలా ఎన్నో ప్రశ్నలు సలార్‌ 1 చూసిన వారికి కలుగుతూ ఉంటాయి. ఇవే కాకుండా ఇంకా చాలా ప్రశ్నలకు సలార్ 2 సమాధానాలు చెప్పాల్సి ఉంది. కథ మొత్తం చాలా కన్ఫ్యూజన్ గా నడిపించిన దర్శకుడు ప్రశాంత్‌ నీల్‌ సెకండ్‌ పార్ట్‌ లో ఫుల్‌ క్లారిటీ ఇస్తాడని ఆశిద్దాం.