సలార్… 200 కోట్లు వస్తాయో రావో తెలిసిపోద్ది

యంగ్ రెబెల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కి డిసెంబర్ 22న ప్రేక్షకుల ముందుకి రాబోతున్న సినిమా సలార్. భారీ బడ్జెట్ తో పాన్ ఇండియా ప్రాజెక్ట్ గా సిద్ధమైన ఈ సినిమా కోసం ప్రపంచవ్యాప్తంగా అభిమానులు ఎదురుచూస్తున్నారు. కేజీఎఫ్ లాంటి బ్లాక్ బస్టర్ తర్వాత ప్రశాంత్ నీల్ నుంచి వస్తున్న మూవీ కావడంతో హైప్ ఎక్కువగా ఉంది.

అలాగే బాహుబలి 2 తర్వాత డార్లింగ్ ప్రభాస్ నుంచి ఇప్పటివరకు సాలిడ్ సక్సెస్ రాలేదు. ఆ లోటును సలార్ మూవీ తీరుస్తుందని ఫ్యాన్స్ ఎక్స్ పెక్ట్ చేస్తున్నారు. ఇప్పటికే ఈ సినిమా బిజినెస్ ప్రపంచవ్యాప్తంగా జరిగిపోయింది. ఓవర్సీస్ మార్కెట్లో అడ్వాన్స్ బుకింగ్ కూడా స్టార్ట్ అయ్యాయి. అయితే సెప్టెంబర్ లో రిలీజ్ అనుకున్న సమయంలో అడ్వాన్స్ బుకింగ్స్ అయితే భారీగా జరిగాయి.

వాటితో పోల్చుకుంటే ప్రెజెంట్ తక్కువ అని చెప్పాలి. అయితే మూవీ ట్రైలర్ ని ఈ రోజు ప్రేక్షకుల ముందుకి తీసుకొని రాబోతున్నారు. ఈ ట్రైలర్ కోసం కోట్లాది మంది వెయిట్ చేస్తున్నారు. ఈ మధ్యకాలంలో సినిమా ట్రైలర్ మూవీ ఓపెనింగ్స్ ఏ రేంజ్ లో ఉండాలి అనేది డిసైడ్ చేసేస్తుంది. మంగళవారం మూవీ చిన్నసినిమా అయిన మంచి ఓపెనింగ్స్ రావడానికి ట్రైలర్ కారణం అయ్యింది.

అలాగే యానిమల్ మూవీ ట్రైలర్ తోనే అంచనాలు పీక్స్ కి సందీప్ రెడ్డి వంగా తీసుకొని పోయాడు. ఇప్పుడు సలార్ సినిమా ట్రైలర్ కూడా ఆ మూవీ ఫస్ట్ డే కలెక్షన్స్ ని డిసైడ్ చేస్తుందని ట్రేడ్ పండితులు చెబుతున్నారు. ఇప్పటి వరకు ఇండియన్ ఇండస్ట్రీలో కేవలం బాహుబలి 2, ఆర్ఆర్ఆర్ సినిమాలు మొదటి రోజు రెండు వందల కోట్లకి పైగా గ్రాస్ కలెక్ట్ చేశాయి.

ఆ స్టామినా సలార్ కి ఉంది. అయితే 200 కోట్లు అందుకోగలుగుతుందా లేదా అనేది ఈ ట్రైలర్ డిసైడ్ చేయనుందని భావిస్తున్నారు. ట్రైలర్ బాగుంటే మాత్రం ఇప్పటి వరకు స్లోగా నడుస్తున్న అడ్వాన్స్ బుకింగ్స్ ఒక్కసారిగా స్పీడ్ అప్ అవుతాయని అంచనా వేస్తున్నారు. మరి సలార్ మూవీ డబుల్ సెంచరీ మార్క్ ని అందు కోగలుగుతుందా లేదా అనేది ఈ రోజు క్లారిటీ వచ్చేయనుంది.