సల్మాన్ లిస్టులో తమిళ్ డైరెక్టర్.. క్రేజీ కాంబో..

బాలీవుడ్ కండల వీరుడు స‌ల్మాన్ ఖాన్ కెరీర్ గత రెండేళ్లుగా ఆశించిన స్థాయిలో ముందుకెళ్లట్లేదు. రాధే, అంతిమ్, రీసెంట్​గా వచ్చిన కిసీ కా భాయ్ కిసీ కీ జాన్ చిత్రాలతో వరుస పరాజయాలను ఎదుర్కొన్నారు. అయితే ఇప్పుడాయన మరో తమిళ డైరెక్టర్ తో కొత్త సినిమా కోసం రెడీ అవుతున్నట్లు తెలిసింది. పవర్ స్టార్ పవన్ కల్యాణ్​ పంజా సినిమా డైరెక్టర్​ విష్ణు వ‌ర్ధన్​తో కలిసి ఈ చిత్రం చేయనున్నారని సమాచారం అందింది.

ప్రస్తతం ఈ చిత్రానికి సంబంధించిన ప్రీ ప్రొడ‌క్ష‌న్ వర్క్స్ జరుగుతున్నాయని టాక్ వినిపిస్తోంది. త్వరలో ఈ చిత్రం షూటింగ్​కు సిద్ధమవుతోందట. నవంబర్ మధ్యలో నుంచి సెట్స్​పైకి వెళ్తుందని, అప్పటి నుంచే రెగ్యులర్ షూటింగ్ ప్రారంభించుకుంటుందని అంటున్నారు. పాన్ ఇండియా లెవల్​లో ఆర్మీ బేస్ కథతో భారీ యాక్ష‌న్ ఎంటర్​టైనర్​గా రూపొందించేందుకు సన్నాహాలు చేస్తున్నారని తెలిసింది.

ఈ చిత్రంలో సల్మాన్ ఖాన్​ను కొత్త అవతారంలో ప్రెజెంట్​ చేసేలా డైరెక్టర్ విష్ణు ఆలోచిస్తున్నారని తెలుస్తోంది. కాగా, విష్ణు వర్ధన్.. గతంలో పంజా సినిమాలో పవర్ స్టార్ పవన్ కల్యాణ్​ను కొత్త లుక్​లో ప్రజెంట్ చేశారు. గ్యాంగ్ స్ట‌ర్ నేప‌థ్యంలో వచ్చిన ఈ చిత్రం అభిమానులను ఆకట్టుకోగా.. ఇతర వర్గాల ప్రేక్షకులను రీచ్ అవ్వడంలో కాస్త ఫెయిల్ అయింది. ఇకపోతే విష్ణు చివరగా.. బాలీవుడ్ షేర్ షా చిత్రంతో మంచి హిట్​ను అందుకున్నారు. కోలీవుడ్​లోనూ పలు సూపర్ హిట్ సినిమాలు చేసి మంచి పేరు సంపాదించారు. దీంతో సల్మాన్ భాయ్​తో చేయబోయే సినిమాపై మంచి అంచనాలు ఏర్పడుతున్నాయి.

కాగా, ఈ చిత్రాన్ని ప్రముఖ నిర్మాత క‌రణ్ జోహార్ నిర్మిస్తున్నారు. గతంలో వీరిద్దరి కాంబోలో వచ్చిన కుచ్ కుచ్ హోతా హై చిత్రం ఎంతటి ప్రేక్షకుల ఆదరణను పొందిందో తెలిసిన విషయమే. మళ్లీ ఇప్పుడు ఈ ఇద్దరు కలిసి దాదాపు 25 ఏళ్ళ తర్వాత పనిచేయబోతున్నారు. అప్పుడు కరణ్​.. సల్మాన్​ చిత్రాన్ని డైరెక్ట్​ చేయగా.. ఇప్పుడు ప్రొడ్యూస్ చేస్తున్నారు.

ఇకపోతే సల్మాన్ త్వరలోనే టైగర్ 3 సినిమాతో త్వరలోనే ప్రేక్షకుల ముందుకు రాబోతున్నారు. 'ఏక్ ది టైగర్', 'టైగర్ జిందాహై' వంటి సూపర్ హిట్​ సినిమాలకు సీక్వెల్​గా ఇది ఆడియెన్స్​ ముందుకు రాబోతుంది. భారీ బడ్జెట్​తో రానున్న ఈ యాక్షన్​ ఎంటర్​టైనర్​ మూవీ.. దీపావళికి థియేటర్లలో సందడి చేయనుంది.