చైతూ 'వైజాగ్ అమ్మాయి' కామెంట్స్.. సామ్ ఫ్యాన్స్ హర్ట్ అయ్యారా?

టాలీవుడ్ యంగ్ హీరో నాగచైతన్య.. రీసెంట్ గా వైజాగ్ అమ్మాయి, హీరోయిన్ శోభిత ధూళిపాళ్లను వివాహం చేసుకున్న విషయం తెలిసిందే. కొంతకాలంపాటు సీక్రెట్ గా లవ్ చేసుకున్న వారిద్దరూ గత ఏడాది డిసెంబర్ 4వ తేదీన వివాహ బంధంలోకి అడుగుపెట్టారు. హైదరాబాద్ లోని అక్కినేని స్టూడియాస్ లో చైతూ, శోభిత మ్యారేజ్ జరిగింది.

అయితే చైతన్య ఇప్పుడు తన అప్ కమింగ్ మూవీ తండేల్ తో ప్రేక్షకుల ముందుకు వచ్చేందుకు సిద్ధమవుతున్న సంగతి విదితమే. చందూ మొండేటి దర్శకత్వం వహిస్తున్న ఆ సినిమాతో ఫిబ్రవరి 7వ తేదీన థియేటర్లలోకి రానున్నారు. అందులో భాగంగా రీసెంట్ గా చైతూ అత్తవారి ఊరు వైజాగ్ లో మేకర్స్.. గ్రాండ్ గా ట్రైలర్ రిలీజ్ ఈవెంట్ ను నిర్వహించారు.

ఆ సమయంలో నాగ చైతన్య ఇంట్రెస్టింగ్ కామెంట్స్ చేశారు. ఏ మూవీ రిలీజ్ అయినా మొదట వైజాగ్ టాక్ కనుక్కుంటానని తెలిపారు. వైజాగ్ లో సినిమా ఆడితే ప్రపంచంలో ఎక్కడైనా ఆడుతుందని తెలిపారు. వైజాగ్ తనకు చాలా ఇష్టమని, అందుకే అక్కడి అమ్మాయిని ప్రేమించి పెళ్లి చేసుకున్నానని తెలిపారు.

తన ఇంట్లో రూలింగ్ పార్టీ వైజాగ్ అని, అందుకే అక్కడే తండేల్ వసూళ్లు షేక్ అయిపోవాలని అన్నారు. లేకపోతే తన పరువు పోతుందని నవ్వుతూ కామెంట్ చేశారు. ఈపాలి యాట తప్పేదేలేదని, ఫిబ్రవరి 7న థియేటర్లలో రాజులమ్మ జాతరే అని తెలిపారు. అలా చైతూ చేసిన వ్యాఖ్యలు కొద్ది రోజులుగా సోషల్ మీడియాలో వైరల్ గా మారాయి.

అయితే చైతూ కామెంట్స్ కు హీరోయిన్ సమంత ఫ్యాన్స్ హర్ట్ అయినట్లు తెలుస్తోంది. చైతూ, సామ్ కొంత కాలం క్రితం లవ్ మ్యారేజ్ చేసుకుని ఆ తర్వాత విడాకులు తీసుకున్న విషయం తెలిసిందే. దీంతో ఇప్పుడు ఆమె ఫ్యాన్స్ నాగచైతన్య పై ట్రోల్స్ చేస్తున్నారు. ఆయన అలా మాట్లాడటం కరెక్ట్ కాదని, హర్ట్ లెస్ అంటూ ఆరోపిస్తున్నారు.

నిజానికి.. చైతూ, సామ్ కలిసి నటించి మజిలీ మూవీ కూడా వైజాగ్ బ్యాక్ డ్రాప్ లోనే ఉంటుంది. ఇప్పుడు తండేల్ మూవీ విషయంలో శోభితతో నాగ చైతన్య లింక్ చేయడం... కౌంటర్ లా అనిపిస్తుందని చెబుతున్నారు. మరికొందరు సమంతను నరసింహ సినిమాలోని రమ్య కృష్ణ పాత్రతో పోలుస్తూ మీమ్స్ షేర్ చేస్తున్నారు. మొత్తానికి చైతూ 'వైజాగ్ అమ్మాయి' కామెంట్స్ కు సామ్ ఫ్యాన్స్ ఫీల్ అయినట్లు ఉన్నారు. మరి చైతూ ఏమైనా స్పందిస్తారేమో వేచి చూడాలి.