సమంత పాఠం కుర్రాళ్ల పుర్రెకు బ‌హు వేగంగా!
సౌత్ ఇండియ‌న్ హీరోయిన్ గా సమంత జ‌ర్నీ గురించి చెప్పాల్సిన ప‌నిలేదు. తెలుగు, త‌మిళ చిత్రాల్లో అగ్ర హీరోయిన్ గా కొనసాగిది.
సౌత్ ఇండియ‌న్ హీరోయిన్ గా సమంత జ‌ర్నీ గురించి చెప్పాల్సిన ప‌నిలేదు. తెలుగు, త‌మిళ చిత్రాల్లో అగ్ర హీరోయిన్ గా కొనసాగిది. దాదాపు స్టార్ హీరోలంద‌రి స‌ర‌స‌న న‌టించింది. అత్య‌ధిక పారితోషికం తీసుకున్న హీరోయిన్ గానూ రికార్డు సృష్టించింది. ఇదే స‌మ‌యంలో నాగ‌చైత‌న్యను ప్రేమించి పెళ్లాడ‌టం..విడిపోవ‌డం అన్నీ చాలా వేగంగా జ‌రిగిపోయాయి. విడిపోయే క్ర‌మంలో సమంత ఆధ్యాత్మిక జ‌ర్నీ గురించి తెలిసిందే. ప్ర‌ఖ్యాత ఆధ్యాత్మిక కేంద్రాల న్నింటిని చుట్టేసింది.
బాధ‌ల‌న్నింటిని మ‌ర్చిపోయి మ‌ళ్లీ న‌టిగా బిజీ అయింది. కానీ ఈసారి న‌టిగా కొన‌సాగ‌డం అంత ఈజీగా అనిపించ‌లేదు. అనూహ్యంగా మ‌యోసైటిస్ బారిన ప‌డి ఎంత‌గా క్షీణించిందో తెలిసిందే. అనారోగ్యంతోనే క‌మిట్ మెంట్ల‌ను పూర్తి చేయాల్సిన బ‌రువైన బాధ్య‌త నెత్తిన వేసుకుని నెర‌వేర్చింది. ఇలా సమంత జీవితంలో ఎన్నో ఒడిదుడు కులున్నాయి. అన్నింటిని జ‌యించి నేడు మ‌ళ్లీ న‌టిగా నిల‌బ‌డి ముందుకెళ్తుంది.
తాజాగా సమంత గురించి ఏకంగా క్లాస్ రూమ‌ల్లో పాఠాల రూపంలోనే బొధిస్తున్న సంఘ‌ట‌న ఒక‌టి వెలుగులోకి వ‌చ్చింది. సమంత పేరుతో పాఠాలు చెప్పి విద్యార్ధుల్లో స్పూర్తి నింపుతున్నారు. ఈ ఘ‌ట‌న ఎక్క‌డ చోటు చేసుకుంది? అన్న‌ది ఇంకా బ‌య‌టకు రాలేదు కానీ, ట్విట్టర్లో ఒక నెటిజన్ తమ పాథాలజీ క్లాసులో సమంత టాపిక్ వచ్చిందని.. ఆటో ఇమ్యూనిటీ చాప్టర్ గురించి చెబుతూ సమంత గురించి చెప్పారని వెల్లడిస్తూ ఒక వీడియో పోస్ట్ చేశారు.
`వేరొకరి అజ్ఞానం, ద్వేషం, డ్రామా, నెగెటివిటీ మన మీద ప్రభావం చూపించి, మనల్ని అత్యుత్తమ వ్యక్తులు కాకుండా ఆపే అవకాశం ఇవ్వకండి` అంటూ సమంత చెప్పిన ఓ కోట్ ను చూడొచ్చు. ఆ ర‌కంగా సమంత మ‌రోసారి నెట్టింట హాట్ టాపిక్ అయింది. సాధార‌ణంగా విద్యార్దుల‌కు శాస్త్ర, సాంకేతిక, క్రీడా రంగాల్లో అత్యున్న‌త స్థానానికి చేరిన వారి గురించి చెప్పి ఇన్ స్పైర్ చేస్తుంటారు. ఇప్పుడు వాళ్ల స‌ర‌స‌న సమంత కూడా చేరిపోయింది.