బ్లాక్ డ్రెస్ లో సమంత స్టన్నింగ్ గురూ!

స్టార్ హీరోయిన్ సమంత కొత్త ప్రాజెక్టుల కోసం ఆమె అభిమానులతోపాటు సినీ ప్రియులు ఎంతగానో వెయిట్ చేస్తున్నారు. మళ్లీ సిల్వర్ స్క్రీన్ పై సామ్ టాలెంట్ ను చూసేందుకు ఉవ్విళ్లూరుతున్నారు. ఏడాది క్రితం విజయ్ దేవరకొండ ఖుషీ మూవీతో సందడి చేసిన అమ్మడు.. ఇప్పుడు సిటాడెల్ హనీ బన్నీ వెబ్ సిరీస్ తో ప్రేక్షకుల ముందుకు వస్తున్నారు. రాజ్ అండ్ డీకే దర్శకత్వం వహించిన ఆ సిరీస్ కోసం అంతా ఎదురుచూస్తున్నారు.

బాలీవుడ్ స్టార్ హీరో వరుణ్ ధావన్ కూడా లీడ్ రోల్ పోషించిన సిటాడెల్ సిరీస్.. నవంబర్ 7వ తేదీన స్ట్రీమింగ్ కు రానుంది. గత ఏడాది ప్రియాంక చోప్రా నటించిన హాలీవుడ్ సిరీస్ సిటాడెల్ కు ఇండియన్ వెర్షన్ గా తెరకెక్కింది. అయితే సమంత.. తన లేటెస్ట్ వెబ్ సిరీస్ కోసం చాలా కష్టపడినట్లు ఇప్పటికే మేకర్స్ తెలిపారు. ఆరోగ్య పరంగా ఎన్నో ఇబ్బందులు ఎదుర్కొనే షూటింగ్ పూర్తి చేసినట్లు చెప్పారు.

సమంత కూడా ఆ విషయాన్ని స్వయంగా చెప్పగా.. సిరీస్ కోసం మార్షల్ ఆర్ట్స్ తో పాటు పలు విద్యలు నేర్చుకున్నట్లు తెలుస్తోంది. రీసెంట్ గా మేకర్స్ రిలీజ్ చేసిన తుఫాన్ సాంగ్ లో అది క్లియర్ గా అర్థమవుతుంది. అదే సమయంలో సామ్ ఓ రేంజ్ లో సిరీస్ ను ప్రమోట్ చేస్తున్నారు. కొద్ది రోజులుగా ముంబైలో ఉండే పలు ఇంటర్వ్యూలు ఇస్తున్నారు. నెట్టింట ఫ్యాన్స్ తో ముచ్చటిస్తూ.. సిటాడెల్ సిరీస్ పై బజ్ క్రియేట్ చేస్తున్నారు.

సిటాడెల్ సిరీస్ స్ట్రీమింగ్ కానున్న అమెజాన్ ప్రైమ్ వీడియో నిర్వాహకులు రీసెంట్ గా ఏర్పాటు చేసిన స్పెషల్ ఫోటో షూట్ లో సామ్ పాల్గొన్నారు. అందుకు సంబంధించిన పిక్స్ ఇప్పుడు సోషల్ మీడియాలో వైరల్ గా మారాయి. సమంత బ్లాక్ డ్రెస్ లో వేరే లెవెల్ లో ఉన్నారు. ఒక్క పోజులో ఏ రేంజ్ లో ఆకట్టుకున్నారు. వరుణ్ ధావన్ తో కలిసి అదిరిపోయే పోజ్ ఇచ్చారు. అందులో తన స్కిన్ అండ్ థైస్ షోతో మైండ్ బ్లాక్ చేశారు.

మరో ఫోటోలో కుర్చీలో కూర్చుని వయ్యారాలు ఒలకబోశారు సమంత. ఓరగా చూస్తూ ఫిదా చేశారు. తన అందాలతో మైమరపించారు. దీంతో నెటిజన్లు క్లీన్ బౌల్డ్ అవుతున్నారు! సామ్ లుక్స్ స్టన్నింగ్ గా ఉన్నాయని చెబుతున్నారు. బ్లాక్ కలర్ డ్రెస్ లో సామ్ అందమే వేరని అంటున్నారు. చూపు తిప్పుకోనివ్వని గ్లామర్ అమ్మడు సొంతమని కొనియాడుతున్నారు. లైక్స్ కొడుతూ సోషల్ మీడియాలో షేర్ చేస్తున్నారు.