ఖుషి.. ఈ ఇడ్లీ స్టాల్ ఏంటి సామ్‌

విజయ్ దేవరకొండ హీరోగా సమంత హీరోయిన్ గా నటించిన ఖుషి సినిమా విడుదలకు సిద్దంగా ఉంది. ఈ సినిమా ప్రమోషన్ కార్యక్రమాలు జోరందుకున్నాయి. భారీ ఎత్తున సినిమా మ్యూజిక్ షో ను నిర్వహించడం ద్వారా సినిమాకు మంచి పబ్లిసిటీ దక్కింది. అంతే కాకుండా సమంత మరియు విజయ్ దేవరకొండ లు లైవ్ లో డాన్స్ చేయడం ద్వారా కూడా ఖుషికి మంచి పాపులారిటీ దక్కింది.

తాజా కార్యక్రమంలో సమంత మాట్లాడుతూ తాను ఆలస్యం చేయకుండా సినిమా షూటింగ్ కు హాజరు అయ్యాను. విజయ్, శివ విజయవాడలో ఇడ్లీ స్టాల్‌ పెట్టే అవసరం రాలేదు అన్నట్లుగా సామ్ కామెంట్స్ చేసింది. ఇంతకు సమంత ఆ మాటలు ఎందుకు అన్నది అనే విషయం లో ఏ ఒక్కరిలో కూడా క్లారిటీ లేదు.

సమంత ఇడ్లీ బండి వ్యాఖ్యలు ఎందుకు చేసింది అనేది సినిమా విడుదల అయితే క్లారిటీ వచ్చే అవకాశం ఉంది. అంతే కాకుండా సమంత మాట్లాడుతూ విజయ్‌, శివ లు ఇడ్లీ బండిని ఎలా నడుపుతారో తెలియదు కానీ మంచి సినిమాను మీ ముందుకు తీసుకు వస్తారు అనే నమ్మకం ఉందని చెప్పుకొచ్చింది.

ఇప్పటికే విడుదల అయిన పాటలు మరియు టీజర్, ట్రైలర్ లు సినిమా స్థాయిని అమాంతం పెంచాయి. శివ నిర్వాన గత చిత్రాల మాదిరిగా ఈ సినిమా కూడా తప్పకుండా ఒక డీసెంట్ హిట్ ను అందుకోవడం ఖాయం అని.. విజయ్ దేవరకొండ సినిమా కనుక కమర్షియల్ గా కూడా భారీ విజయాన్ని సొంతం చేసుకోవడం ఖాయం అంటూ అభిమానులు ఇండస్ట్రీ వర్గాల వారు అభిప్రాయం వ్యక్తం చేస్తున్నారు.