నాగ చైతన్య-శోభిత..సోదరి సమంత లీక్ చేసిన సీక్రెట్!

నాగ చైతన్య, శోభిత ధూళిపాళ నిశ్చితార్థం జరుపుకున్న వార్త ఇప్పుడు తెగ వైరల్ అవుతోంది. ఇంతకుముందు ఈ జంట ప్రేమ గురించి రూమర్లు వచ్చినా, ఇప్పుడు ఈ నిశ్చితార్థం ఫోటోలు వెలుగులోకి రావడంతో వారిద్దరి మధ్య ఉన్న ప్రేమ నిజమైందని నిర్ధారణ అయింది. నాగార్జున అధికారికంగా ఫొటోలు కూడా షేర్ చేశారు. ఇక అభిమానులు సెలబ్రెటీలు ఈ జంట ప్రేమకు శుభాకాంక్షలు అందిస్తున్నారు.

ఇక పెళ్లి ఎప్పుడు అనే విషయంలో కూడా అనేక రకాల గాసిప్స్ పుట్టుకొస్తున్నాయి. అయితే ఆ వేడుకకు ఇంకాస్త సమయం పట్టే అవకాశం ఉంది. అయితే, ఈ నిశ్చితార్థం ఫోటోలు వైరల్ అవుతున్న సమయంలో, ఇంకో ఆసక్తికర విషయం వెలుగులోకి వచ్చింది. అదేంటంటే, శోభిత ధూళిపాళకు ఉన్న సోదరి పేరు కూడా సమంతనే కావడం విశేషం.

అతి తక్కువ మందికే ఈ విషయం తెలుసు కానీ, ఇప్పుడు ఈ వార్త బయటికి రావడంతో ఫ్యాన్స్, నెటిజన్లు ఆశ్చర్యపోతున్నారు. ఇకపోతే, సమంత ధూళిపాళ డాక్టర్ గా పనిచేస్తూ, తన వృత్తి జీవితాన్ని విజయవంతంగా ముందుకు సాగిస్తోంది. ఆమె ఇటీవలే పెళ్లి చేసుకుంది.

శోభితా మాత్రం ఫ్యాషన్ ప్రపంచంలోకి అడుగు పెట్టి పలు అందాల పోటీలలో కూడా పాల్గొంది.

అయితే, ఈ రోజు శోభితా సోదరి సమంత తన సోషల్ మీడియా అకౌంట్ లో నాగ చైతన్య, శోభిత నిశ్చితార్థం ఫోటోలను పోస్ట్ చేసి, ‘2022 నుంచి వారి ప్రేమ కొనసాగుతుంది అన్నట్లు ఒక క్యాప్షన్ ఇచ్చింది. అలాగే ఆ ప్రేమ ఎప్పటికి ఇలానే ఉండాలని ఆమె కోరుకుంది. ఈ క్యాప్షన్ చూస్తే వీరిద్దరి మధ్య ప్రేమ 2022 నుంచే కొనసాగుతోందని మరోసారి క్లారిటీ వచ్చేసింది.

నాగచైతన్య సమంత రూత్ ప్రభు నుంచి 2021 లో విడాకులు తీసుకున్న విషయం తెలిసిందే. ఆ తర్వాత ఈ ఇద్దరు వారి సినీ జీవితాలతో చాలా బిజీగా ఉన్నారు. ఇక వారు విడిపోవడానికి గల కారణాల గురించి అనేక రకాల వార్తలు వైరల్ అయినప్పటికీ వాటి గురించి ఎప్పుడూ కూడా పెద్దగా పట్టించుకోలేదు. ఇక నాగచైతన్య 2022 నుంచి శోభిత తో ప్రేమలో ఉన్నట్లుగా తెలుస్తోంది. ఇక ఆమె సోదరి పేరు కూడా సమంత కావడంతో ఆ విషయం వైరల్ గా మారింది.