రౌడీ క్యారెక్టర్ అలాంటిదా.. సామ్ వైరల్ కామెంట్స్

ది విజయ్ దేవరకొండ గురించి స్టార్ హీరోయిన్ సమంత ఓ సీక్రెట్ బయటపెట్టింది. మొదట తాను కూడా విజయ్ ను చూసి అలానే అనుకున్నానని.. కానీ అసలు నిజం తర్వాతే తెలిసి షాకయ్యానని చెప్పుకొచ్చింది. ప్రస్తుతం సమంత చేసిన ఈ కామెంట్స్ నెట్టింట్లో చక్కర్లు కొడుతున్నాయి.

వివరాళ్లోకి వెళితే.. విజయ్ దేవరకొండ, సమంత జంటగా నటించిన కొత్త లవ్, ఫ్యామిలీ అండ్ రొమాంటిక్ ఎంటర్ టైనర్ చిత్రం ఖుషీ. శివ నిర్వాణ దర్శకత్వంలో తెరకెక్కిన ఈ చిత్రాన్ని మైత్రి మూవీ మేకర్స్ నిర్మించింది. ఈ సినిమా సెప్టెంబర్ 1న గ్రాండ్ గా ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన పోస్టర్స్, ట్రైలర్, సాంగ్స్ ఆడియెన్స్ ను బాగా అలరించాయి.

ముఖ్యంగా సాంగ్స్ బాగా ఆకట్టుకోవడంతో సినిమా కచ్చితంగా మ్యూజికల్ హిట్ అవుతుందని అనుకుంటున్నారు. సమంత-విజయ్ కెమిస్ట్రీ అందరినీ బాగా ఆకట్టుకుంది. అలానే ఈ మధ్య జరిగిన మ్యూజిక్ కన్సర్ట్ లోనూ విజయ్, సమంత తమ రొమాంటిక్ డ్యాన్స్ తో సినిమాపై మరింత హైప్ క్రియేట్ చేసేశారు. అయితే విడుదల తేదీ దగ్గర పడటం వల్ల మూవీ టీమ్ ప్రమోషన్స్ పెంచింది. అయితే విజయ్ దేవరకొండ ఒక్కడే ఇతర రాష్ట్రాలు తిరుగుతూ డీసెంట్ గా ఇంటర్వ్యూలో ఇస్తూ ప్రమోషన్స్ చేస్తున్నారు.

కానీ సమంత మ్యూజిక్ కన్సర్ట్ అవ్వగానే పర్సనల్ కారణాల వల్ల న్యూయార్క్ వెళ్లింది. అయితే అభిమానులు మాత్రం ఆమె ప్రమోషన్స్ కోసం రావాలని అడుగుతున్నారు. ఈ క్రమంలోనే న్యూయార్క్ లో వెళ్లకముందే సామ్-విజయ్ కలిసి ఇంటర్వ్యూ చేసినట్లు అర్థమవుతోంది. ఓ ఇంటర్వ్యూ యూట్యూబ్ లో ట్రెండ్ అవుతోంది. ఇందులో విజయ్ దేవరకొండ క్యారెక్టర్ గురించి సమంత ఇంట్రెస్టింగ్ కామెంట్స్ చేసింది.

విజయ్ ను చూసినప్పుడు ప్రతిఒక్కరు అతను రౌడీ, రెబల్ అని అనుకుంటుంటారు. నేను కూడా అలానే అనుకున్నాను. కానీ ఆశ్చర్యపోయే విషయం ఏంటంటే.. అతనికి ఎలాంటి బ్యాడ్ హ్యాబిట్స్ లేవు. ప్రతిరోజు వర్కౌట్స్ చేస్తాడు. చాలా డిస్ప్లేన్ గా ఉంటాడు. అది చూసి నేను షాక్ అయ్యాను. అతడు చాలా మంచి వ్యక్తి అని చెప్పింది. ఈ కామెంట్స్ ప్రస్తుతం సోషల్ మీడియాలో తెగ వైరల్ అవుతున్నాయి. ఇకపోతే చూడాలి మరి ఈ ఖుషి సినిమా ఎలాంటి విజయాన్ని అందుకుంటుందో.