సందీప్ కిషన్ మిల్లర్.. కిల్లింగ్ లుక్

టాలెంటెడ్ హీరో సందీప్ కిషన్ సక్సెస్ ఫెయిల్యూర్స్ తో సంబంధం లేకుండా డిఫరెంట్ కంటెంట్ ఉన్న సినిమాలతో తనను తానుసరికొత్తగా ఆవిష్కరించుకునే ప్రయత్నం చేస్తున్నారు. మొదట్లోనే ప్రస్థానం లాంటి సినిమాలో అతను నెగిటివ్ షేడ్స్ ఉన్న క్యారెక్టర్ చేసి అందరికీ ఆశ్చర్యాన్ని కలిగించాడు. ఇక తర్వాత ఎక్కువగా లవర్ బాయ్ సినిమాలతో ఆకట్టుకునే ప్రయత్నం చేస్తున్నా సందీప్ కిషన్ తెలుగులోనే కాకుండా తమిళంలో కూడా అవకాశాలు అందుకుంటూ వస్తున్నారు.

ఇక బాలీవుడ్ లో కూడా అప్పుడప్పుడు అతనికి చాన్సులు అయితే వస్తున్నాయి. ఇక ఇప్పుడు తమిళంలో మరొక క్రేజీ ప్రాజెక్టులో అతను కీలకమైన పాత్రలో ఆకట్టుకోవడానికి సిద్ధమవుతున్నాడు. కోలీవుడ్ హీరో ధనుష్ ప్రస్తుతం కెప్టెన్ మిల్లర్ అనే పాన్ ఇండియా సినిమా చేస్తున్నారు. ఈ సినిమా పోస్ట్ ప్రొడక్షన్ దశలో ఉంది.

పీరియాడిక్ యాక్షన్ డ్రామాలో రానున్న ఈ సినిమాలో సందీప్ కిషన్ శక్తివంతమైన పాత్రలో కనిపించనున్నారు. రీసెంట్ గా ఈ చిత్రానికి సంబంధించిన నటుడి పోస్టర్‌ను మేకర్స్ రిలీజ్ చేశారు. పోస్టర్‌లో సందీప్ కిషన్ చేతిలో కాగితంతో రాతిపై కూర్చున్నట్లు కనిపించారు. గడ్డంతో ఖాకీ దుస్తులు ధరించి ఇక్కడ సీరియస్ గా కనిపిస్తున్నాడు.

చూస్తుంటే సందీప్ హై వోల్టేజ్ యాక్టింగ్ తో మెప్పిస్తాడాని అనిపిస్తుంది. సత్యజ్యోతి ఫిలింస్ పతాకంపై అరుణ్ మాథేశ్వరన్ ప్రతిష్టాత్మకంగా రూపొందిస్తున్న ఈ చిత్రానికి జివి ప్రకాష్ కుమార్ సంగీతం అందిస్తున్నారు. ప్రియాంక అరుల్ మోహన్, శివ రాజ్ కుమార్ ఇతర ముఖ్య తారాగణం. ఇక ఈ సినిమాని కెప్టెన్ మిల్లర్ పొంగల్‌కి విడుదల చేసేందుకు ప్లాన్ చేస్తున్నారు.

ఇక సందీప్ కిషన్ సినిమాల విషయానికి వస్తే చివరిగా అతను మైఖేల్ అనే సినిమాతో ఆకట్టుకునే ప్రయత్నం చేశారు. కానీ బాక్స్ ఆఫీస్ వద్ద ఆ సినిమా అనుకున్నంత స్థాయిలో సక్సెస్ కాలేక పోయింది. కానీ నటుడిగా మాత్రం సందీప్ కిషన్ కు ప్రముఖ నటీనటుల ప్రశంసలు దక్కాయి. ఈ నటుడు ప్రస్తుతం ఊరు పేరు భైరవ కోన అనే సినిమా చేస్తున్నాడు. VI ఆనంద్ దర్శకత్వంలో రూపొందుతున్న ఈ సినిమా టీజర్ సాంగ్స్ తో మంచి అంచనాలను క్రియేట్ చేసుకుంది. ఇక త్వరలో సినిమాను గ్రాండ్ గా విడుదల చేయాలని అనుకుంటున్నారు. మరి ఈ సినిమాతో సందీప్ కిషన్ ఎలాంటి ఫలితాలు అందుకుంటాడో చూడాలి.