ఆ సీక్వెల్‌ ఇప్పట్లో లేనట్లేనా సందీప్‌..?

గత ఏడాది భారీ విజయాన్ని సొంతం యానిమల్ సినిమాకు సీక్వెల్ గా యానిమల్ పార్క్ రాబోతున్నట్లు ఇప్పటికే దర్శకుడు సందీప్ వంగ ప్రకటించిన విషయం తెల్సిందే. యానిమల్‌ పార్క్ లో రణబీర్ కపూర్‌ మరింత వైల్డ్‌ గా కనిపించబోతున్నాడనే సమాచారంతో సినిమాపై అంచనాలు భారీగా పెరిగాయి.

ఎప్పుడెప్పుడు యానిమల్ పార్క్ సినిమా వస్తుందా అంటూ అభిమానులు ఎంతో ఆసక్తిగా ఎదురు చూస్తున్నారు. తాజాగా ఒక ఇంటర్వ్యూలో సందీప్ వంగ మాట్లాడుతూ యానిమల్ పార్క్ ఎప్పుడు మొదలు పెట్టేది చెప్పలేను అన్నాడు. ప్రస్తుతం తన దృష్టి అంతా కూడా స్పిరిట్‌ సినిమాపై ఉందని చెప్పుకొచ్చాడు.

యానిమల్‌ పార్క్ సినిమా కు ఇప్పట్లో టైమ్ లేదు. త్వరలోనే స్పిరిట్ ని మొదలు పెట్టనున్నట్లు సందీప్ వంగా పేర్కొన్నాడు. ప్రభాస్ తో ఒక సిన్సియర్ పోలీస్‌ ఆఫీసర్‌ కథని తీసుకుని స్పిరిట్ సినిమా రూపొందిస్తున్నట్లు దర్శకుడు సందీప్ వంగ తెలియజేశాడు.

ప్రభాస్‌ ప్రస్తుతం చేస్తున్న కల్కి మరియు రాజా సాబ్‌ సినిమాలు పూర్తి చేసి వెంటనే హను రాఘవపూడి దర్శకత్వంలో ఒక సినిమాను చేయబోతున్నాడు. ఈ మూడు సినిమాలు పూర్తి అవ్వడానికి ఈ ఏడాది చివరి వరకు సమయం పట్టే అవకాశాలు ఉన్నాయి. కనుక సందీప్ వంగ స్పిరిట్ సినిమా 2025 లో షురూ అయ్యే అవకాశాలు ఉన్నాయి.

స్పిరిట్ సినిమా మొదలు పెట్టాలి అంటే ప్రభాస్ ఆ సినిమాలను ముగించాల్సి ఉంటుంది. కనుక దర్శకుడు సందీప్ వంగకి కావాల్సినంత సమయం స్క్రిప్ట్‌ కోసం లభిస్తుంది. అయితే యానిమల్‌ పార్క్ రావడానికి చాలా ఎక్కువ సమయం పట్టే అవకాశం ఉందని సినీ వర్గాల వారు అభిప్రాయం వ్యక్తం చేస్తున్నారు.