సంక్రాంతి బుక్ మై షో ట్రాకింగ్.. ఆ సినిమానే టాప్

ఈ సంక్రాంతికి ప్రేక్షకుల ముందుకు వచ్చిన సంక్రాంతికి వస్తున్నాం సినిమా భారీ అంచనాల మధ్య విడుదలై సంచలన వసూళ్లు సాధిస్తోంది. ఫ్యామిలీ ఎంటర్‌టైనర్‌గా రూపొందిన ఈ చిత్రం మొదటి రోజు నుంచే ప్రేక్షకుల హృదయాలను గెలుచుకుంటోంది. బుక్ మై షో ట్రాకింగ్ ప్రకారం, ఈ రోజు గంటలోనే 8,390 టికెట్లు విక్రయించి పండుగ మూడ్‌ను మరింత హైలైట్ చేస్తోంది.

ఇక బాలకృష్ణ నటించిన డాకు మహారాజ్ జనవరి 12న విడుదలై మంచి వసూళ్లతో దూసుకెళ్తోంది. మాస్ ఎలిమెంట్స్, యాక్షన్ సీన్లతో నిండిన ఈ చిత్రం ఇప్పటికే బాక్సాఫీస్ వద్ద హిట్‌గా నిలిచింది. ఇవాళ ఒక్క గంటలో 3,380 టికెట్లు అమ్ముడవ్వడం సినిమా క్రేజ్‌ను మరింత పెంచుతోంది. సంక్రాంతి సీజన్‌లో ఈ సినిమా మాస్ ఆడియన్స్‌ను బాగా ఆకర్షించిందని ట్రేడ్ అనలిస్టులు అభిప్రాయపడుతున్నారు.

దీంతో పాటు, గేమ్ చేంజర్ జనవరి 10న విడుదలై ఫస్ట్ డే హైప్‌ను సాధించినప్పటికీ, తర్వాత రోజుల్లో వసూళ్లు తగ్గుముఖం పట్టాయి. ఈరోజు గంటలో ఈ సినిమా కేవలం 1,810 టికెట్లు మాత్రమే అమ్ముడవ్వడం ఈ ట్రెండ్‌ను స్పష్టంగా చూపిస్తోంది. టాక్ బలంగా లేకపోవడం, సంక్రాంతి బరిలో కొత్త సినిమాలు రావడం వల్ల గేమ్ చేంజర్పై ప్రభావం పడిందని విశ్లేషకులు చెబుతున్నారు.

సంక్రాంతికి వస్తున్నాం ఫ్యామిలీ ఆడియన్స్‌ను పూర్తిగా ఆకర్షించగలిగింది. కథ, సంగీతం, ఎమోషన్ల మేళవింపుతో ఈ చిత్రం మంచి పాజిటివ్ టాక్‌ను తెచ్చుకుంది. పండుగ సీజన్‌లో ఫ్యామిలీ సినిమాలకు ఉన్న డిమాండ్ ఈ సినిమాకు బలంగా నిలిచింది. ముఖ్యంగా బుక్ మై షోలో గంటకొకసారి టికెట్ సేల్స్ ట్రాకింగ్ చూస్తుంటే, ఈ సినిమాపై ప్రేక్షకుల ఆసక్తి అర్థమవుతుంది.

ఇక డాకు మహారాజ్ బాక్సాఫీస్ వద్ద మాస్ హవాను కొనసాగిస్తోంది. బాలయ్య మాస్ ఫాలోయింగ్, యాక్షన్ సీక్వెన్సుల ప్రభావం ఈ సినిమాపై స్పష్టంగా కనిపిస్తోంది. పండుగ సీజన్‌లో ఈ సినిమా మంచి వసూళ్లు సాధిస్తుందని ట్రేడ్ వర్గాలు ఆశిస్తున్నారు.

ట్రాకింగ్ వివరాలు:

సంక్రాంతికి వస్తున్నాం: 8,390 టికెట్లు (గంటలో)

డాకు మహారాజ్: 3,380 టికెట్లు (గంటలో)

గేమ్ చేంజర్: 1,810 టికెట్లు (గంటలో)