జవాన్ ని ఊరిస్తున్న రికార్డ్

షారుఖ్ ఖాన్ హీరోగా దీపికా పదుకునే, నయనతార హీరోయిన్స్ గా అత్లీ దర్శకత్వంలో తెరకెక్కిన మూవీ జవాన్. ఈ సినిమా సెప్టెంబర్ 7న ప్రపంచ వ్యాప్తంగా రిలీజ్ కాబోతోంది. భారీ అంచనాల మధ్య ఈ మూవీ ప్రేక్షకులని అలరించడానికి సిద్ధమవుతోంది. ఈ ఏడాది పఠాన్ తో వెయ్యి కోట్ల క్లబ్ లో జాయిన్ అయిన షారుఖ్ జవాన్ తో మరోసారి ఆ ఫీట్ అందుకోవాలని ప్రయత్నం చేస్తున్నారు.

సినిమాపై దేశ వ్యాప్తంగా పాజిటివ్ బజ్ ఉంది. దేశభక్తి ఎలిమెంట్ తో పాటు సౌత్ ఇండియన్ స్టైల్ కమర్షియల్ హీరోయిజం, యాక్షన్ ఎలివేషన్స్ జవాన్ మూవీలో పుష్కలంగా ఉన్నాయి. ఈ కారణంగా సినిమాపై సౌత్ లో కూడా మంచి క్రేజ్ ఉంది. అలాగే నయనతార, విజయ్ సేతుపతి లాంటి స్టార్ క్యాస్టింగ్ ఉండటం వలన తమిళంలో కూడా ప్రేక్షకులు ఆసక్తి చూపిస్తున్నారు.

అనిరుద్ మ్యూజిక్ సినిమాకి అదనపు అస్సెట్ గా ఉంటుందని చెప్పొచ్చు. జవాన్ సినిమాని ఇప్పుడు ఓ రికార్డు ఊరిస్తోంది. ఈ ఏడాది హైయెస్ట్ ఫస్ట్ డే గ్రాస్ కలెక్ట్ చేసిన మూవీగా నిలిచే అవకాశం జవాన్ ముందుంది. ప్రభాస్ ఆదిపురుష్ ఈ ఏడాదిలో హైయెస్ట్ ఫస్ట్ డే కలెక్షన్స్ సాధించిన సినిమాగా ఇప్పటి వరకు ఉంది. దానిని బీట్ చేసే ఛాన్స్ ఇప్పుడు షారుఖ్ ఖాన్ కి జవాన్ తో వచ్చింది.

అలాగే ఓవరాల్ గా వెయ్యి కోట్ల కలెక్షన్స్ జవాన్ మూవీ అందుకుంటే మాత్రం ఒకే ఏడాదిలో రెండు సినిమాలతో వెయ్యి కోట్లకిపైగా కలెక్షన్స్ సాధించిన హీరోగా షారుఖ్ ఖాన్ పేరు మీద మరో రికార్డు క్రియేట్ అయ్యే ఛాన్స్ ఉంది. అత్లీ కెరియర్ లో ఇప్పటి వరకు ఒక్క ఫెయిల్యూర్ కూడా లేదు. అలాగే జవాన్ కూడా కచ్చితంగా కమర్షియల్ సక్సెస్ అందుకుంటుందని భావిస్తున్నారు.

షారుఖ్ ఖాన్ కూడా ఈ సినిమా కోసం డిఫరెంట్ గెటప్స్, లుక్స్ ని మొదటిసారి ట్రై చేశారు. అలాగే యాక్షన్ సీక్వెన్స్ లలో కూడా తన స్టామినాని చూపించారు. మరి ఈ చిత్రం ఆదిపురుష్ రికార్డ్ ని బ్రేక్ చేస్తుందా లేదా అనే ఆసక్తి ఇప్పుడు అందరిలో నెలకొని ఉంది.