సూపర్ స్టార్ తో శర్వా.. ఆ హీరో రిజెక్ట్ చేసిందా?

టాలీవుడ్ హీరో శర్వానంద్ ప్రస్తుతం మంచి బ్రేక్ కోసం అయితే ఎదురుచూస్తూ ఉన్నాడు. చాలా కాలంగా అతను చేస్తున్న సినిమాలు బాక్సాఫీస్ వద్ద డిజాస్టర్ అవుతున్న విషయం తెలిసిందే. అందుకే మళ్లీ బౌన్స్ అయ్యేలా ఒక ఆఫర్ అందుకుని ట్రాక్ లోకి రావాలని అనుకుంటున్నాడు. అయితే ఇప్పుడు లేటెస్ట్ గా అతను ప్రముఖ అగ్ర హీరోలతో అవకాశాలు అందుకునే ఛాన్స్ ఉన్నట్లుగా ఆకు అయితే టాక్ వినిపిస్తోంది.

మొన్నటి వరకు మెగాస్టార్ చిరంజీవితో ఛాన్స్ వచ్చింది అని చాలా రకాల కథనాలు అయితే వచ్చాయి. కళ్యాణ్ కృష్ణ తో చిరంజీవి చేయబోయే సినిమాలో శర్వానంద్ కొడుకు పాత్రలో లేదా తమ్ముడు పాత్రలో నటించే అవకాశం ఉంది అన్నట్లుగా గాసిప్స్ అయితే పుట్టుకొచ్చాయి. అయితే ఇంతవరకు ఆ విషయంలో ఎలాంటి అధికారిక ప్రకటన అయితే రాలేదు.

కానీ చర్చలు అయితే జరుగుతున్నట్లుగా తెలుస్తోంది. ఇక శర్వానంద్ ప్రస్తుతం శ్రీరామ్ ఆదిత్య దర్శకత్వంలో ఒక సినిమా చేస్తున్నాడు. అది తప్పితే ప్రస్తుతం ఏ సినిమా కూడా సెట్స్ పైన లేదు. కొన్ని ప్రొడక్షన్ హౌస్లలో సినిమాలు చేయాలని అనుకుంటున్నాడు కానీ ఇంకా అవి ఫైనల్ కాలేదు.

అయితే ఇప్పుడు కోలీవుడ్ సూపర్ స్టార్ రజినీకాంత్ సినిమాలో కూడా అతనికి అవకాశం వచ్చినట్లుగా టాక్ అయితే వస్తుంది. జై భీమ్ ఫేమ్ జ్ఞాన్ వేల్ రాజా దర్శకత్వంలో సూపర్ స్టార్ 170 సినిమా చేస్తున్నాడు. అందులో బాలీవుడ్ లెజెండ్ అమితాబ్ బచ్చన్ కూడా ఒక ముఖ్యమైన పాత్రలో కనిపించబోతున్నాడు. ఇక శర్వానంద్ ను కూడా ఒక ముఖ్యమైన పాత్రలో సెలెక్ట్ చేసుకోవడానికి దర్శకుడు ఆసక్తి చూపిస్తున్నట్లు సమాచారం.

అయితే ఇంతకుముందు ఇదే కాంబినేషన్లో నాని కూడా నటించబోతున్నారు అని ఒక టాక్ అయితే వినిపించింది. ఇక మళ్ళీ ఇప్పుడు శర్వా పేరు గట్టిగానే వైరల్ అవుతుంది. మొదట నాని చేయను అని చెప్పడంతో ఇప్పుడు శర్వాను సంప్రదించారా అనే అనుమానం కూడా కలుగుతుంది. ఏదేమైనప్పటికీ కూడా సూపర్ స్టార్ సినిమాలో మాత్రం శర్వానంద్ కనిపించే అవకాశాలు ఎక్కువగానే ఉన్నాయని తెలుస్తోంది. త్వరలోనే ఈ విషయంలో అధికారిక ప్రకటన కూడా రాబోతోందట. ఇక జైలర్ సినిమాతో ఫామ్ లోకి వచ్చేసిన రజినీకాంత్ తో నటిస్తున్నాడు అంటే తప్పకుండా అతనికి కూడా చాలా బాగా హెల్ప్ అయ్యే అవకాశం ఉంటుంది.