శ్రీ‌య‌ మ‌తి చెడే గ్లామర్ వెన‌క సీక్రెట్

త‌న‌దైన అందం అభిన‌యంతో ద‌శాబ్ధాల పాటు న‌టిగా ఏలిన శ్రీ‌య శ‌ర‌ణ్ ఇంత‌కుముందు విదేశీ క్రీడాకారుడు ఆండ్రి కోశ్చీవ్ ని పెళ్లాడిన సంగ‌తి తెలిసిందే. ఈ దంప‌తుల‌కు ఒక కుమార్తె కూడా జ‌న్మించింది. ముంబైలో భ‌ర్తతో కాపురం పెట్టిన త‌ర్వాత‌ తిరిగి త‌న సెకండ్ ఇన్నింగ్స్ ని శ్రీ‌య ప్రారంభించింది.

ఇటీవ‌ల వ‌రుస ఫోటోషూట్ల‌తోను శ్రీ‌య చెల‌రేగుతోంది. మొన్న‌టికి మొన్న త‌న భ‌ర్త‌తో ప‌బ్లిక్ లో లిప్ లాక్ వేయ‌డం వెన‌క కార‌ణాల‌ను వెల్ల‌డించింది. ఒక ముద్దు చాలా ఒత్తిళ్ల‌కు ప‌రిష్కార‌మ‌ని అంది. ఇంత‌లోనే ఇప్పుడు మ‌రో ఘాటైన ఫోటోషూట్ తో శ్రీ‌య చెల‌రేగింది. శ్రీ‌య మై సౌత్ దివా 2024 క్యాలెండ‌ర్ పై ద‌ర్శ‌న‌మిచ్చింది. ఇందులో అందమైన తెల్ల‌ని డిజైన‌ర్ చీర డిజైన‌ర్ బ్లౌజ్‌లో ఎంతో స్పెష‌ల్ గా క‌నిపిస్తోంది. శ్రీ‌య గ్లామ్ కంటెంట్ యువ‌త‌రానికి స్పెష‌ల్ ట్రీట్ గా మారింది. పెళ్ల‌యి బిడ్డ పుట్టాక కూడా ఇంత అందాన్ని ఎలా మెయింటెయిన్ చేస్తోంది? అనే సందేహాలు అభిమానులు వ్య‌క్తం చేస్తున్నారు. శ్రీ‌య 40 ప్ల‌స్ ఏజ్ లోను ప‌ర్ఫెక్ట్‌ ఫిట్ గా క‌నిపిస్తోంది. ఈ ఫోటోగ్రాఫ్ కి ఆస‌క్తిక‌ర క్యాప్ష‌న్ ని జోడించారు.

సూపర్ టాలెంటెడ్.. సూపర్ ఫిట్.. సూపర్ మామ్ @మై సౌత్ దివా క్యాలెండర్ 2024 @శ్రీ‌య శ‌ర‌ణ్ 1109 కవర్ పేజీ కోసం షూట్ చేయడం ..ప్రదర్శించడం చాలా ఆనందంగా ఉంది... అని ఫోటోగ్రాఫ‌ర్ మ‌నోజ్ వెల్లడించారు.

'అవారపన్' తర్వాత ఇమ్రాన్ హష్మీతో

శ్రియ శరణ్ 2007లో 'ఆవరపన్' అనే సినిమాలో న‌టించింది. ఈ సినిమా చేసిన దాదాపు రెండు దశాబ్దాల తర్వాత ఇమ్రాన్ హష్మీతో మళ్లీ కలిసి ప‌ని చేయ‌డం గురించి ప్రత్యేకంగా మాట్లాడారు. కరణ్ జోహార్‌తో కలిసి పని అనుభ‌వం గురించి శ్రీ‌య తాజా షోలో ముచ్చ‌టించారు. శ్రీ‌య మాట్లాడుతూ- ''నేను కరణ్‌ని చాలాసార్లు కలిశాను. అతడు చాలా అందమైన వ్యక్తి. అతడు ప్రేమ‌గా ఆప్యాయంగా ఉంటాడు. మా నాన్న హాస్పిటల్‌లో ఉన్నప్పుడు ఆరోగ్యం ఎలా ఉందో ఆరా తీసేందుకు ప్రయత్నించాడు. ఆయ‌న‌ను పార్టీలలో చూశాను. నిజంగా ప్రజలను గొప్పగా నవ్వించగలడు. హాస్య‌చ‌తురుడు. వృత్తిపరంగా నాకు ధర్మాటిక్స్‌తో కలిసి పనిచేయడం గొప్ప అనుభవం'' అని అన్నారు.

ఇమ్రాన్ హష్మీతో మళ్లీ కలిసి ప‌ని య‌డం గురించి శ్రీ‌య‌ మాట్లాడుతూ- ''మళ్లీ ఒక ప్రాజెక్ట్ కోసం కలిసి రావడానికి ఇంత సమయం పడుతుందని ఎవరూ ఊహించరు. మేము కలిసి షోటైమ్ చేయడం నాకు చాలా సంతోషంగా ఉంది. సరదాగా చెప్పాలంటే.. నా గాడ్ డాటర్ అతడి(హ‌ష్మి) కొడుకుతో కలిసి ప్రీ స్కూల్‌కి వెళ్లింది. చాలా సంవత్సరాల క్రితం.. ఆయ‌న‌ కొడుకు నా దగ్గరకు పరుగెత్తుకుంటూ వచ్చి నన్ను 'శ్రియ మాసి' అని సంబోధించేవాడు. ఎమ్రాన్ ఇది గుర్తుంచుకుంటాడని నేను అనుకోను.. అతడు దీనిని చూసి ఎగతాళి చేస్తాడు.. అతడి కొడుకు కూడా అందంగా కనిపించే అబ్బాయిగా ఎదిగాడు. కాబట్టి వాస్తవానికి మనం అంత దూరం ప్ర‌యాణిస్తాం. అతడితో మళ్లీ పని చేయడం నా అదృష్టం. అతడు అద్భుతమైన నటుడు.. కెమెరాలో అపురూపంగా కనిపిస్తున్నాడు'' అని అన్నారు. ఇమ్రాన్ హ‌ష్మి చాలా ప్రొఫెష‌న‌ల్ గా ఉంటాడ‌ని, హోమ్‌వర్క్ చేయడం అత‌డి ప్ర‌త్యేక‌త అని కూడా శ్రీ‌య వెల్ల‌డించారు.