స్ట‌న్నింగ్ లుక్‌తో మ‌తులు చెడ‌గొట్టిన శ్రీ‌య
శ్రీ‌య మెరుపులు మిరుమిట్ల‌తో త‌ళ‌త‌ళ‌లాడుతున్న అంద‌మైన ఫ్రాక్ లో ప‌రువాల‌ను ఎంతో అందంగా ప్ర‌ద‌ర్శించింది.
భ‌ర్త ఆండ్రీ కోశ్చీవ్ తో శ్రీ‌య ప‌బ్లిక్ లో స‌ర‌సాల సరాగాలు ఇటీవ‌ల హాట్ టాపిక్ గా మారాయి. ప‌బ్లిగ్గా సుదీర్ఘ చుంబ‌నాల గురించి శ్రీ‌య ఇటీవ‌ల ఇంట‌ర్వ్యూల‌లో ఓపెనైంది. శ్రియా శరణ్ తన త‌దుప‌రి డిస్నీ ప్లస్ హాట్‌స్టార్ షో `షోటైమ్` ట్రైలర్‌ను మంగళవారం సాయంత్రం ముంబైలో విడుదల చేశారు. శ్రియ స‌హా తన చిత్ర‌బృందం ఈ వేడుక‌కు హాజ‌రైంది. తారాగణంలో సహచరులు ఇమ్రాన్ హష్మీ, మౌని రాయ్, రాజీవ్ ఖండేల్‌వాల్, మహిమా మక్వానాతో కలిసి కరణ్ జోహార్ ఈ వేదిక‌పై సంద‌డి చేసాడు.
ఈ వేదిక‌పై శ్రీ‌య లుక్ అగ్గి రాజేసింది. శ్రీ‌య మెరుపులు మిరుమిట్ల‌తో త‌ళ‌త‌ళ‌లాడుతున్న అంద‌మైన ఫ్రాక్ లో ప‌రువాల‌ను ఎంతో అందంగా ప్ర‌ద‌ర్శించింది. తన అంద‌మైన మేని విరుపున‌కు సంబంధించిన ఫోటోగ్రాఫ్ స్పెష‌ల్ గా క‌నిపించింది. ప్రస్తుతం ఈ ఫోటోగ్రాఫ్స్ అంత‌ర్జాలంలో వైర‌ల్ గా మారుతున్నాయి. అలాగే ఫోటోషూట్ కి ముందు ప్ర‌చార వేదిక‌పై కరణ్ దృష్టిలో ప‌డేందుకు శ్రీ‌య స్ట‌న్నింగ్ ఫోజ్ ల‌తో చెల‌రేగిపోయింది.
వేదిక‌పై శ్రీ‌య, కరణ్ ఇరువురూ సూపర్ స్టార్ షారుఖ్ ఖాన్‌పై తమ ప్రేమను కురిపించారు. రాపిడ్ ఫైర్ రౌండ్ సమయంలో కరణ్ శ్రియను ``బాలీవుడ్‌లో సెక్సీయెస్ట్ థింగ్ ఏంటి?`` అని అడిగాడు. దానికి ఎలాంటి సంకోచం లేకుండా శ్రీ‌య ``నిజంగా హాట్ ప‌ర్స‌నాలిటీస్ నా!`` అని ఎదురు ప్ర‌శ్నించింది. తన ప్రతిస్పందనకు ఆశ్చర్యపోయిన కరణ్ చమత్కరిస్తూ, ``అవును.. మీ మనసులో ఎవ‌రి పేరైనా ఉందా?`` అని అడిగాడు. దానికి శ్రీ‌య మాట్లాడుతూ -``నేను షారుఖ్ ఖాన్‌ను ప్రేమిస్తున్నాను!`` అని శ్రీ‌య అంది.
కరణ్ నవ్వుతూ, ``షారుఖ్ ఖాన్‌ని ఎవరు ప్రేమించరు?`` మ‌న‌మంతా (ఈ వేదిక) ప్రస్తుతం ఆయ‌న పరిసరాల్లో ఉన్నాము. షారుఖ్ ఖాన్ ఎనర్జీని మన్నత్ ద్వారా మనం అనుభవించగలమని నేను భావిస్తున్నాను! అని అన్నారు. ముంబై బాంద్రాలోని SRK నివాసం మన్నత్‌కు సమీపంలో ఉన్న హోటల్ తాజ్ ల్యాండ్స్ ఎండ్‌లో ట్రైలర్ లాంచ్ కార్యక్రమం జరగ‌డంతో హోస్ట్ కరణ్ ఇలా త‌మాషాగా అన్నారు.
శ్రియను బాలీవుడ్ గురించి కరణ్ ప్ర‌శ్నించ‌గా దానికి అద్భుత‌మైన జవాబిచ్చింది శ్రీ‌య. ``ఈ ప‌రిశ్ర‌మ సురక్షితం కాదని కొంద‌రు అంటున్నారు.. కానీ ఇది నిజంగా సురక్షితం అని భావిస్తున్నాను. ``నేను ఇక్కడ ఉత్తమ అనుభవాలను పొందాను. మంచి స్నేహితులను సంపాదించాను.. ఉత్తమ సంభాషణలు చేసాను.. కొంతమంది మనోహరమైన వ్యక్తులను కలుసుకున్నాను`` అని శ్రీ‌య ఏక‌రువు పెట్టింది.
శ్రియా శరణ్ తో పాటు షోటైమ్‌లో ఇమ్రాన్ హష్మీ, మౌని రాయ్, మహిమా మక్వానా, రాజీవ్ ఖండేల్‌వాల్, విశాల్ వశిష్ఠ, మిహిర్ దేశాయ్, సుమిత్ రాయ్ త‌దిత‌రులు నటించారు. కరణ్ జోహార్ ధర్మాటిక్ ఎంటర్‌టైన్‌మెంట్ మద్దతుతో ఈ షో మార్చి 8 నుండి OTT ప్లాట్‌ఫారమ్‌లో స్ట్రీమింగ్ కానుంది.