స్కంద.. ఒక్క సాంగ్ తోనే పెరుగుతున్న బజ్

ఎనర్జిటిక్ హీరో రామ్ నటిస్తున్న తాజా చిత్రం స్కంద. బోయపాటి శ్రీను దర్శకత్వంలో తెరకెక్కిన సినిమా ఇది. బోయపాటి అఖండ తర్వాత తీస్తున్న సినిమా కావడంతో, ఈ మూవీ పై ఎక్కువ అంచనాలు ఉన్నాయి. భారీ బడ్జెట్ తో ఈ సినిమాను తెరకెక్కించారు. వచ్చే నెలలోనే ఈ చిత్రం ప్రేక్షుకుల ముందుకు రావడానికి రెడీ అయ్యింది.

ఇటీవల ప్రీ రీలీజ్ ఈ వెంట్ ని గ్రాండ్ గా ఏర్పాటు చేశారు. ట్రైలర్ చూస్తుంటే, ఫుల్ యాక్షన్ మూవీ విత్ ఫ్యామిలీ ఎమోషన్స్ అనే విషయం అర్థమౌతోంది. అయితే, ఈ మూవీ విడుదలకు ముందే రికార్డులు క్రియేట్ చేస్తోంది. నెల క్రితం ఈ మూవీ నుంచి నీ చుట్టు చుట్టూ అనే పాట విడుదల చేసిన విషయం తెలిసిందే.

ఆ పాటలో రామ్ డ్యాన్స్, రామ్ తో పాటు మ్యాచ్ చేసేలా శ్రీలీల డ్యాన్స్ హైలెట్ గా ఉన్నాయి. ఇక, శ్రీలీల అందం గురించి అయితే స్పెషల్ గా చెప్పాల్సిన అవసరం లేదు. చాలా అందంగా ఉంది. పాట కూడా వినడానికి చాలా క్యాచీ గా ఉండటంతో నెటిజన్లకు చాలా తొందరగా చేరువైంది. ఇప్పుడు ఈ పాట రికార్డులు క్రియేట్ చేస్తోంది. ఇప్పటికే ఈ పాటకు 15మిలియన్లకు పైగా వ్యూస్ రావడం విశేషం.

ఇక, మూవీ ప్రీ రిలీజ్ ఈ వెంట్ లోనూ ఈ పాటను శ్రీలీల పాడింది. ఆమె పాట కూడా బాగా పాడింది అంటూ నెటిజన్లు ప్రశంసల వర్షం కురిపించారు. ఆ గొంతు ఏంటిరా అంతా బాగుంది అని పొగిడేస్తున్నారు. ఈ పాట లిరికల్ వీడియోని ఆగస్టు 3వ తేదీన విడుదల చేయగా, ఇప్పటికీ యూట్యూబ్ ట్రెండింగ్ లో ఉండటం విశేషం. ఈ పాటలో మ్ చాలా స్టైల్ గా కనిపిస్తున్నాడు. ఇక రామ్ పక్కన శ్రీలీల చాలా అందంగా కనపడుతోంది. నిజానికి రామ్ పక్కన ఏ హీరోయిన్ అయినా తేలిపోయినట్లుగా అనిపిస్తుంది. కానీ, రామ్, శ్రీలీల పెయిర్ మాత్రం అదిరిపోయింది.

కాగా, ఈ సినిమా సెప్టెంబర్ 15న విడుదల కానుంది. ఇదిలా ఉండగా, రామ్ చివరగా వారియర్ మూవీతో ప్రేక్షకుల ముందుకు వచ్చాడు. ఆ మూవీ డిజాస్టర్ గా మారింది. దీంతో, రామ్ ఆశలన్నీ ఈ మూవీపైనే ఉన్నాయి. మరి ఈ మూవీతో ఎంత వరకు ఆకట్టుకుంటాడో చూడాలి.