కలర్ ఫుల్‌ ప్రీ రిలీజ్ పోస్టర్ తో 'స్కంద' కన్నుల విందు

రామ్ హీరోగా, శ్రీలీల హీరోయిన్‌ గా బోయపాటి శ్రీను దర్శకత్వంలో రూపొందిన 'స్కంద' సినిమా విడుదలకు ముస్తాబవుతోంది. వచ్చే నెల 15వ తారీకు పాన్ ఇండియా రేంజ్ లో తెలుగుతో పాటు తమిళ్‌, కన్నడం, మలయాళం మరియు హిందీ భాషల్లో విడుదల కాబోతుంది. ఇప్పటికే విడుదల అయిన పాటలు మరియు పోస్టర్స్ సినిమాపై అంచనాలు ఆసక్తి పెంచుతున్నాయి.

తాజాగా ఈ సినిమా ప్రీ రిలీజ్ ఈవెంట్ ను ఆగస్టు 26వ తారీకు నిర్వహించబోతున్నట్లు ఈ పోస్టర్ ను విడుదల చేసి ప్రకటించడం జరిగింది. ఈ మధ్య కాలంలో ఇలాంటి పోస్టర్‌ ను చూడలేదని.. కలర్‌ ఫుల్‌ గా కన్నుల విందు అన్నట్లుగా పోస్టర్ ఉందంటూ నెటిజన్స్ తో పాటు సినీ విశ్లేషకులు కూడా అభిప్రాయం వ్యక్తం చేస్తున్నారు.

సినిమా లో రామ్‌ పాత్రను మరియు శ్రీలీల పాత్రలను ఈ ఫోటో ద్వారా దర్శకుడు బోయపాటి చెప్పే ప్రయత్నం చేశాడు. ఈ పోస్టర్‌ సినిమా పై అంచనాలు మరింతగా పెంచుతుంది అనడంలో సందేహం లేదు. ఈ మధ్య కాలంలో ఇలాంటి కన్నుల విందు చేసే పోస్టర్లు మరియు వీడియోలు చాలా తక్కువగా వస్తున్నాయి. యాక్షన్ పోస్టర్ లు, హాట్‌ అండ్‌ రొమాంటిక్ పోస్టర్‌ లు మాత్రమే ఎక్కువగా వస్తున్నాయి.

స్కంద పాటలు కూడా ప్రేక్షకులను అలరిస్తున్నాయి. పాటల చిత్రీకరణ కూడా చాలా కలర్‌ ఫుల్‌ గా ఉండబోతున్నట్లుగా ఇప్పటికే విడుదల అయిన లిరికల్‌ వీడియోలను చూస్తే అర్థం అవుతుంది. మొత్తానికి స్కంద పై పాజిటివ్ ఒపీనియన్ కలిగే విధంగా యూనిట్‌ సభ్యులు ప్రచారం చేస్తున్నారు.

రామ్ అభిమానులతో పాటు అన్ని వర్గాల ప్రేక్షకులను కూడా ఈ సినిమా ఆకట్టుకునే అవకాశాలు పుష్కలంగా అంటూ మీడియా వర్గాల వారు మాట్లాడుకుంటున్నారు. రామ్‌ కి ఈ సినిమా సక్సెస్ ను ఇచ్చేనా, శ్రీలీల జోరు పెంచేనా మరో మూడు వారాల్లో క్లారిటీ వచ్చే అవకాశం ఉంది.