బాహుబలి నిర్మాత కౌంటర్.. ఎవరు ఆ యువ హీరో?

బాహుబలి సిరీస్ తో స్టార్ ప్రొడ్యూసర్ గా తనకంటూ ప్రత్యేకమైన బ్రాండ్ ని శోభు యార్లగడ్డ సొంతం చేసుకున్నారు. బాహుబలి సిరీస్ తర్వాత వీరు రాఘవేంద్రరావు దర్శకత్వ పర్యవేక్షణలో పెళ్లి సందడి మూవీ చేశారు. దానైకంటే ముందుగా సత్యదేవ్ తో ఉమామహేశ్వర ఉగ్రరూపస్య మూవీ చేశారు. పెద్ద ప్రాజెక్ట్స్ ఏవీ కూడా చేయడం లేదు. ప్రస్తుతం సొంత వ్యాపారాలపైన వారి ద్రుష్టి పెట్టారు.

శోభు యార్లగడ్డ సోషల్ మీడియాలో చాలా యాక్టివ్ గా రెగ్యులర్ పోస్టులు పెడుతూ ఉంటారు. తాజాగా ఆయన పెట్టిన పోస్ట్ ఇప్పుడు వైరల్ గా మారుతుంది. ఒక యంగ్ హీరో, డెబ్యూ డైరెక్టర్ చెప్పిన స్క్రిప్ట్ వినడానికి కూడా ఆసక్తి చూపించకుండా అతన్ని అగౌరవపరిచాడు.

ఇది అతని కెరియర్ కి ఏ విధంగా కూడా ఉపయోగపడదు. కచ్చితంగా ఈ విషయాన్ని అతను త్వరలోనే తెలుసుకుంటాడు అని శోభు యార్లగడ్డ ట్వీట్ చేశారు.

ఈ ట్వీట్ సోషల్ మీడియాలో వైరల్ గా మారింది. అసలు ఉన్నపళంగా నిర్మాత ఇలాంటి ట్వీట్ చేయడం వెనుక రీజన్ ఏంటి అనేది చర్చనీయాంశంగా మారింది. ఈ మధ్య టాలీవుడ్ ఓ హీరో, దర్శకుడికి సంబందించిన ఇష్యూ నడుస్తోంది. దీనిని ఉద్దేశించి నిర్మాత శోభు యార్లగడ్డ ఈ వ్యాఖ్యలు చేసి ఉంటారనే మాట వినిపిస్తోంది.

అయితే ఆ పోస్ట్ చేసిన కొద్దీ సేపటికే ఆయన దాన్ని డిలీట్ చేయడం మరింత హాట్ టాపిక్ గా మారింది.

సోషల్ మీడియాలో ఈ పోస్ట్ పై నెటిజన్లు కూడా భిన్నమైన కామెంట్స్ చేస్తున్నారు. ఈ సంఘటనపై ఎవరు దృష్టిలో వారు తమ అభిప్రాయాలు పంచుకుంటున్నారు. అయితే ఇలాంటి సంఘటనలు టాలీవుడ్ లో ఇది మొదటిసారి కాదు.

చాలా సార్లు ఇలాంటివి జరిగాయి. అయితే వీటి వలన టాలీవుడ్ లో విభేదాలు పెరగడం తప్ప ఎలాంటి ప్రయోజనం ఉండదని సినీ విశ్లేషకులు చెబుతున్నారు. వీలైనంత వరకు ఎలాంటి అంశాలలో ఎవరూ రెస్పాండ్ అవ్వకుండా ఉండటం బెటర్ అనే మాట వినిపిస్తోంది. శోభు యార్లగడ్డ పోస్ట్ వైరల్ కావడంతో దీనిపై ఎవరైనా టాలీవుడ్ సెలబ్రెటీలు రియాక్ట్ అవుతారా అనేది ఆసక్తిగా మారింది.