ప్రభాస్ బుజ్జి లో చాలా ప్ర‌త్యేక‌త‌లే ఉన్నాయే!
ఈ బుజ్జిని దేశ‌మంతా తిప్ప‌బోతున్నారు. సినిమా ప్ర‌చారంలో భాగంగా బెంగుళూరు, చెన్నై, ముంబై లాంటి ప్ర‌ధాన న‌గ‌రాల్లో బుజ్జిని కూడా హైలైట్ చేయ‌నున్నారు.
బుజ్జి ఓ మంచి కారు అన్న‌ట్లు ! ఇప్పుడు అంద‌రి నోట హాట్ టాపిక్. 'క‌ల్కి 2898' కోసం స్పెష‌ల్ గా తయారు చేసిన కారుది. మ‌హీంద్రా అండ్ జాయెమ్ ఆటోమోటివ్ కంపెనీలు సంయుక్తంగా దీన్ని తయారు చేసాయి. ఓ సినిమా కోసం ఇలా రెండు కంపెనీలు భాగ‌స్వామ్యం అయి తయారు చేయడం అన్న‌ది ఇదే తొలిసారి. ఇంత‌వ‌ర‌కూ సినిమా కోస‌మంటూ ప్ర‌త్యేకంగా ఇలాంటి కారును మ్యాన్ ప్యాక్చ‌ర్ చేయ‌లేదు. మార్కెట్ లో అందుబాటులో ఉన్న కార్ల‌నే వినియోగించారు.
కానీ ద‌ర్శ‌కుడు నాగ్ అశ్విన్ మాత్రం ఆ ఛాన్స్ తీసుకోకుండా ఓ కొత్త కారుని సృష్టించాల‌ని ప్ర‌త్యేకంగా ఇంజ‌నీర్ల‌ను రిక్రూట్ చేసుకుని మరీ ఆయా కంపెనీల‌తో బుజ్జికి ఓ రూపం తీసుకొచ్చారు. ఆరు ట‌న్నుల బరువు గల కారుకి ముందు రెండు టైర్లు..వెనుక ఒక టైర్ ఉంది. సైన్స్ ఫిక్షన్ సినిమాల్లో కనిపించే వెహికిల్స్‌తో పోలిస్తే బుజ్జి ప్రత్యేకం. దీన్ని డ్రైవ్ చేయవచ్చు. సైఫై సినిమాలు తీసే దర్శకులు అందరూ డ్రైవ్ చేసేలా వెహికల్స్ డిజైన్ చేయరు. విజువల్ ఎఫెక్ట్స్ / గ్రాఫిక్స్ వాడతారు. నాగ్ అశ్విన్ టీం ఆ రూల్ బ్రేక్ చేసి, డ్రైవ్ చేసే వెహికల్ తయారు చేయించింది.
అలాగని, బుజ్జిని డ్రైవ్ చేయడం అంత సులభం కాదు. దీనికి ప్ర‌త్యేకంగా కొంత ట్రైనింగ్ అవసరం. ఈవెంట్ కోసం ప్రభాస్ కొంత ప్రాక్టీస్ తీసుకున్నాడు. మూడు రోజుల పాటు రోజుకు ఐదు గంటల చొప్పున ప్రభాస్ ప్రాక్టీస్ చేశారని తెలుస్తోంది. ఓపెన్ ఏరియాలో బుజ్జిని డ్రైవ్ చేయడం సులభమే. కానీ చుట్టూ బారికేడ్స్ ఉన్నప్పుడు బుజ్జితో రౌండ్స్ వేయడం అంత ఈజీ కాదు. రైట్ లేదా లెఫ్ట్ టర్నింగ్ తీసుకోవాలంటే ప్రాక్టీస్ అవసరం. అందుకే ప్రభాస్ ముందుగా ప్రాక్టీస్ తీసుకోవాల్సి వ‌చ్చింది. ఈ బుజ్జి ప‌రిచ‌యం అయిందిక‌దా? అని నిన్న‌టితో దాని ప‌ని పూర్త‌వ్వ‌లేదు.
ఈ బుజ్జిని దేశ‌మంతా తిప్ప‌బోతున్నారు. సినిమా ప్ర‌చారంలో భాగంగా బెంగుళూరు, చెన్నై, ముంబై లాంటి ప్ర‌ధాన న‌గ‌రాల్లో బుజ్జిని కూడా హైలైట్ చేయ‌నున్నారు. దానికి సంబంధించి లైవ్ షో కూడా ఉండొచ్చు. దీన్ని మార్కెట్ చేసుకునేందుకు ఆయా కంపెనీల‌కు ఇదే స‌రైన స‌మ‌యం. ఈ కారుకి బుజ్జి కారుకి సంబంధించిన పేటెంట్ రైట్స్ మొత్తం చిత్ర నిర్మాత‌వేన‌ని తెలుస్తోంది. అయితే సినిమా రిలీజ్ అనంత‌రం ఈ కారుని ఏం చేస్తారు? అన్న‌ది స‌స్పెన్స్.