శ్రీలీల.. హార్ట్ బీట్ పెంచేలా ఆ వయ్యారమేంటీ..

గ్లామరస్ బ్యూటీ శ్రీలీల పెళ్లిసందD మూవీతో టాలీవుడ్ లోకి అడుగుపెట్టి, రవితేజ తో చేసిన ధమాకా సినిమాతో బాక్సాఫీస్ ను బ్లాస్ట్ చేసేసింది. ఆ మూవీతో వచ్చిన క్రేజ్ తో ఆమె టాలీవుడ్ లో క్రేజీ హీరోయిన్ గా మారిపోయింది. కానీ ఆ తర్వాతి సినిమాలు ఆశించినంత సక్సెస్ ఇవ్వకపోవడంతో ఆమె కెరీర్ లో కొన్ని ఆటుపోట్లు వచ్చాయి.

2023లో శ్రీలీల నటించిన నాలుగు సినిమాలు విడుదలయ్యాయి. వీటిలో భగవంత్ కేసరి మాత్రమే మంచి హిట్ టాక్ అందుకుంది, మిగతా మూడు సినిమాలు ఫ్లాప్ అయ్యాయి. తాజాగా సంక్రాంతికి వచ్చిన గుంటూరు కారం కూడా మిక్స్‌డ్ టాక్ తోనే సరిపెట్టుకుంది. విజయ్ దేవరకొండ - గౌతమ్ తిన్ననూరి ప్రాజెక్టు నుంచి ఆమె తప్పుకోవడం, నితిన్ రాబిన్ హుడ్ మూవీ కూడా మిస్సవ్వడం వంటి పరిణామాలు ఆమెకు కొంత నిరాశ కలిగించాయి.

ఈ పరిణామాల మధ్య, శ్రీలీల కొంత సైలెంట్ గా ఉంటూ, కెరీర్ పరంగా ఆచితూచి నిర్ణయాలు తీసుకుంటున్నట్లు సమాచారం. ఆమె కొత్త స్క్రిప్ట్ ల ఎంపికలో జాగ్రత్తగా ఉండాలని నిర్ణయించుకుంది. అలాగే సోషల్ మీడియాలో కూడా ఈమధ్య మళ్ళీ గ్లామర్ లుక్స్ తో స్పీడ్ పెంచుతోంది. రీసెంట్ గా ఆమె పోస్ట్ చేసిన ఫొటోలు చూస్తే స్టన్ అవ్వాల్సిందే. బ్లాక్ కలర్ టాప్, బ్లూ జీన్స్ లో వయ్యారంగా స్టిల్స్ ఇచ్చింది.

ఇక ఆ ఫొటోలతో అమ్మడు తన లుక్స్ తోనే మాయ చేసేసింది. శ్రీలీల ఎలా కనిపించినా అందమే అనేలా ఆమె ఫాలోవర్స్ పాజిటివ్ గా రియాక్ట్ అవుతున్నారు. ఇక రీసెంట్ గా ఆమెకు ఓ పెద్ద ఛాన్స్ వచ్చినట్లు సినీ వర్గాలు చెబుతున్నాయి. కోలీవుడ్ స్టార్ హీరో అజిత్ కు జోడీగా శ్రీలీల నటించే అవకాశం ఉందట. మైత్రీ మూవీ మేకర్స్ నిర్మాణంలో అజిత్ హీరోగా తెరకెక్కుతున్న గుడ్ బ్యాడ్ అగ్లీ సినిమాలో శ్రీలీల హీరోయిన్ గా ఎంపిక అయినట్లు సమాచారం.

ఈ చిత్రాన్ని మార్క్ ఆంటోనీ ఫేమ్ అధిక్ రవిచంద్రన్ దర్శకత్వం వహిస్తున్నారు. మేకర్స్ ఆమెను సంప్రదించగా, కథ నచ్చి గ్రీన్ సిగ్నల్ ఇచ్చినట్లు టాక్. ఈ ప్రాజెక్ట్ పై త్వరలోనే అధికారిక ప్రకటన వచ్చే అవకాశం ఉంది. ఈ వార్త తెలియగానే శ్రీలీల అభిమానులు ఫుల్ ఖుషీ అవుతున్నారు. ఈ ప్రాజెక్ట్ తో శ్రీలీల కెరీర్ గ్రాఫ్ పూర్తిగా మారిపోతుందని వారు భావిస్తున్నారు. తెలుగు సినీ పరిశ్రమలో ఆమెకు వచ్చిన ఫ్లాపులు ఈ కోలీవుడ్ బిగ్ బ్రేక్ తో మరచిపోవచ్చని ఆశపడుతున్నారు. శ్రీలీల ఈ భారీ తమిళ ప్రాజెక్ట్ లో ఎలాంటి ఫలితం సాధిస్తుందో చూడాలి.