కరణ్ జోహార్ ద‌ర్శ‌క‌త్వంలో ఖాన్ డాట‌ర్ ల‌వ్ స్టోరి?

ఖాన్ డాట‌ర్ సుహానా ఖాన్ వైబ్స్ బాలీవుడ్ అంత‌టా షేక్ చేస్తున్న‌ సంగ‌తి తెలిసిందే. జోయా అక్త‌ర్ `ది ఆర్చీస్` వెబ్ సిరీస్ తో న‌టిగా ఆరంగేట్రం చేస్తున్న సుహానాపై షారూఖ్ అభిమానులు స‌హా ప్రేక్ష‌కుల్లో భారీ అంచ‌నాలున్నాయి. స్టార్ కిడ్ తండ్రిని మించిన త‌న‌య‌గా నిరూపించుకుంటుంద‌ని అంతా ఆశిస్తున్నారు. ఇంత‌లోనే సుహానా న‌టించే రెండవ చిత్రానికి కరణ్ జోహార్ ద‌ర్శ‌క‌త్వం వ‌హిస్తార‌ని ప్ర‌చార‌మ‌వుతోంది. ఇదే నిజ‌మైతే సుహానాకు ఇది తొలి పెద్ద స్క్రీన్ ఆరంగేట్రం కానుంది.

రాకీ ఔర్ రాణి కి ప్రేమ్ కహానీ విజయం తర్వాత కరణ్ జోహార్ మరోసారి దర్శకుడిగా స‌త్తా చాటాల‌ని ఉవ్విళ్లూరుతున్నారు. అంతేకాదు.. ఈసారి ఖాన్ డాట‌ర్ ని డైరెక్ట్ చేయాల‌నేది అత‌డి ప్లాన్. సుహానా సూపర్ స్టార్ షారుఖ్ ఖాన్ కుమార్తె.. కానీ ఆమె ఎల్లప్పుడూ కరణ్ జోహార్‌కి మొదటి కుమార్తె. అంతేకాదు.. త‌న బిడ్డ‌కు అతడు అతిపెద్ద చీర్‌లీడర్. `ది ఆర్చీస్‌`లో వెరోనికా లాడ్జ్‌గా న‌టించిన సుహానాకి కరణ్ జోహార్‌ అతిపెద్ద చీర్‌లీడర్‌గా మారి ప్ర‌చారం చేసాడు. ఇంత‌కుముందే సుహానా ఖాన్ ఫస్ట్ లుక్ విడుద‌లైంది. దీనిపై ప్రేమ‌పూర్వక సందేశాన్ని ఇవ్వ‌డ‌మే గాక‌.. త‌న‌ను న‌టిగా చూడాల‌ని ఎంత ఉత్సాహంగా ఉన్నాడో పేర్కొన్నాడు.

సుహానా కెరీర్ కి తాజా ప్ర‌య‌త్నం పెద్ద బూస్ట్ గా మారుతుంద‌నడంలో సందేహ లేదు. అంతేకాదు క‌ర‌ణ్ తో సినిమా మొదటి థియేట్రికల్ విడుదల అవుతుంది. కరణ్ - సుహానా ఇద్ద‌రూ ఈ ప్రాజెక్ట్ కోసం చాలా ఉత్సాహంగా ఉన్నారు. సుహానా ఎంతో ఎగ్జ‌యిట్ అవుతోంది. ఈ సినిమా క‌థాంశంపైనా ర‌క‌ర‌కాలుగా చ‌ర్చ సాగుతోంది. క‌ర‌ణ్‌ మునుపటి చిత్రాల ఫ్రాంచైజీ కానేకాదు.. కానీ సరికొత్త స్క్రిప్ట్ తో అవుట్ అండ్ అవుట్ రొమాంటిక్ కామెడీని తెర‌కెక్కిస్తార‌ని తెలిసింది. ఇప్ప‌టివ‌ర‌కూ అధికారికంగా ఇంకా ఏదీ ఖరారు కాలేదు. ప్రతిదీ ప్రారంభ దశలో ఉంది. కానీ ఈ సంవత్సరం చివరి నాటికి అన్ని విధాలుగా క్లారిటీ వ‌చ్చేస్తుంద‌ని స‌మాచారం. ప్రస్తుతం అలియా భట్ -రణ్‌వీర్ సింగ్ నటించిన `రాకీ ఔర్ రాణి కి ప్రేమ్ కహానీ` యావ‌రేజ్ ఫ‌లితం అందుకుంది. క‌ర‌ణ్ ఎప్ప‌టిలానే మ‌రోసారి ఫ్యామిలీ డ్రామాతో వ‌చ్చారు.