సుక్కు.. జక్కన్న రేంజ్ సాధ్యమేనా?

టాలీవుడ్ ఐకాన్ స్టార్ అల్లు అర్జున్ హీరోగా లెక్కల మాస్టర్ సుకుమార్ పుష్ప-2 ప్రాజెక్ట్ ను తెరకెక్కిస్తున్న విషయం తెలిసిందే. పాన్ ఇండియా లెవెల్ లో ఓ రేంజ్ లో అంచనాలను ఇప్పటికే నెలకొల్పిన పుష్ప సీక్వెల్.. మరికొద్ది రోజుల్లో ప్రేక్షకుల ముందుకు రానుంది. ఫస్ట్ పార్ట్ కు మించి సీక్వెల్ భారీ హిట్ కచ్చితంగా అవుతుందని అంతా భావిస్తున్నారు.

అయితే కొన్నేళ్లుగా పుష్ప-2 కోసం వర్క్ చేస్తున్న సుకుమార్.. ప్రతి విషయంలో జాగ్రత్త తీసుకుంటున్నట్లు ఇప్పటికే క్లారిటీ వచ్చేసింది. ప్రతి సీన్ ను ఒకటికి రెండుసార్లు చెక్ చేసుకున్నారట. కొన్ని సీన్స్ ను రీషూట్ కూడా చేశారని ఓ కార్యక్రమంలో ఆయనే తెలిపారు. అలా పుష్ప-2 కోసం సుకుమార్.. నాన్ స్టాప్ గా కొన్ని సంవత్సరాలుగా వర్క్ చేస్తున్నారు.

మరో 10 రోజుల్లో సినిమా రిలీజ్ అవుతున్నా.. ఇప్పటికీ సుకుమార్ బిజీగానే ఉన్నారు. రీసెంట్ గా పుష్ప-2 ఫుటేజ్ ను చెక్ చేస్తూ కనిపించారు. అందుకు సంబంధించిన వీడియోను మేకర్స్ సోషల్ మీడియాలో పోస్ట్ చేశారు. దాని బట్టి సినిమా విషయంలో సుకుమార్ డెడికేషన్ ఎలా ఉందో క్లియర్ గా అర్థమవుతుంది. ఎలా అయినా భారీ హిట్ కొట్టాలని పట్టుదల కనిపిస్తుంది.

అయితే పుష్ప-2 రూ.1000 కోట్ల హిట్ అవుతుందని ట్రేడ్ పండితులు సహా అనేక మంది ఎప్పటి నుంచో అంచనా వేస్తున్నారు. ఇప్పటి వరకు రూ.1000 కోట్ల క్లబ్ లోకి టాలీవుడ్ నుంచి ఇద్దరు డైరెక్టర్లు మాత్రమే అడుగు పెట్టిన విషయం తెలిసిందే. బాహుబలి-2, ఆర్ఆర్ఆర్ తో రాజమౌళి.. కల్కి 2898 ఏడీతో నాగ్ అశ్విన్ అరుదైన క్లబ్ లోకి అడుగుపెట్టారు.

ఇప్పుడు పుష్ప-2 రూ.1000 కోట్లు వసూలు చేస్తే.. ఆ ఫీట్ సాధించిన మూడో డైరెక్టర్ గా సుకుమార్ నిలుస్తారు. అయితే ఇప్పటికే మూవీపై ఉన్న హైప్.. ముఖ్యంగా నార్త్ లో క్రేజ్ చూస్తుంటే.. పుష్ప సీక్వెల్ అనుకున్నట్లే భారీ రికార్డులు సాధించడం పక్కా గానే కనిపిస్తుంది. మూవీ మౌత్ టాక్ కాస్త పాజిటివ్ గా వస్తే చాలు.. సినిమా ఓ రేంజ్ లో దూసుకుపోతోంది.

నార్త్ లో పుష్ప-2 సాలిడ్ గా వసూళ్లు సాధిస్తే చాలు.. ఆటోమేటిక్ గా మూవీ ఎన్నో రికార్డులను బద్దలు కొట్టేయనుంది. బాక్సాఫీస్ వద్ద భారీ వసూళ్లను రాబట్టనుంది. అంచనా వేస్తున్న అన్ని రికార్డులను సాధించి సత్తా చాటనుంది. అలా జరగాలని సుకుమార్ కూడా మూవీ కోసం ఎంతో కష్టపడుతున్నారు. మరి ఎలాంటి హిట్ కొడతారో వేచి చూడాలి.