ఛత్రపతి కాట్ రాజ్.. యూవీలో కొత్త కెరీర్

సినిమా ఇండస్ట్రీలో డైరెక్టర్స్ అయ్యి యాక్టర్స్ గా మారిన వారు చాలా మంది ఉన్నారు. డాన్స్ మాస్టర్స్, సినిమాటోగ్రాఫర్ గా కెరియర్ స్టార్ట్ చేసి దర్శకులు అయినవారు ఉన్నారు. వారిలో చాలా మంది స్టార్స్ డైరెక్టర్స్ గా గుర్తింపు తెచ్చుకున్నారు. అయితే యాక్టింగ్ నుంచి డైరెక్షన్ వైపు వెళ్ళిన వారు తక్కువ మంది కనిపిస్తారు. మలయాళీ ఇండస్ట్రీలో పృథ్వీ రాజ్ సుకుమారన్ యాక్టర్ నుంచి డైరెక్టర్ అయ్యాడు.

టాలీవుడ్ లో పాతతరం నటులలో భానుమతి, విజయ నిర్మల లాంటి హీరోయిన్స్ దర్శకులుగాను ప్రూవ్ చేసుకున్నారు. హీరోగా కెరియర్ స్టార్ట్ చేసిన రాహుల్ రవీంద్రన్ డైరెక్టర్ గా ప్రూవ్ చేసుకుంటున్నాడు. అవసరాల శ్రీనివాస్ కూడా దర్శకుడిగా సత్తా చాటాడు. అయితే పవర్ ఫుల్ విలన్ గా సక్సెస్ అయ్యి తరువాత దర్శకులుగా మారిన వారిని వేళ్ళ మీద లెక్కపెట్టొచ్చు.

ఇప్పుడు ఈ జాబితాలోకి యాక్టర్ సుప్రీత్ రెడ్డి రాబోతున్నాడు. ఛత్రపతిలో కాట్ రాజ్ పాత్రతో అందరిని భయపెట్టిన సుప్రీత్ రెడ్డి సక్సెస్ ఫుల్ విలన్ గా కెరియర్ కొనసాగించాడు. అతని హైట్, పర్సనాలిటీ మంచి విలనీ అప్పీరియన్స్ తీసుకురావడంతో సుదీర్ఘకాలం నుంచి నటుడిగా తన ప్రస్థానం కొనసాగిస్తున్నాడు. ఇప్పుడు సుప్రీత్ రెడ్డి దర్శకుడిగా తన అదృష్టాన్ని పరీక్షించుకోవడానికి రెడీ అవుతున్నాడు.

గతంలో థ్రిల్లర్ మంజు, అరుణ్ పాండ్యన్ లాంటి వారు ఫైట్ మాస్టర్స్ గా, విలన్స్ గా నటించి తరువాత యాక్షన్ చిత్రాల దర్శకులిగా ప్రూవ్ చేసుకున్నారు. ఇప్పుడు సుప్రీత్ రెడ్డి కూడా వారి తరహాలోనే సక్సెస్ అవుతాడేమో చూడాలి. యూవీ క్రియేషన్స్ దర్శకుడిగా సుప్రీత్ రెడ్డికి మొదటి అవకాశం ఇస్తున్నట్లు తెలుస్తోంది. త్వరలో ఈ సినిమాకి సంబందించిన అఫీషియల్ అప్డేట్ రావొచ్చంట.

మరి సుప్రీత్ రెడ్డి దర్శకుడిగా ఎలాంటి కంటెంట్ తో మూవీ చేస్తాడనేది ఇప్పుడు అందరికి ఆసక్తికరంగా మారింది. విలన్ గా కెరియర్ స్టార్ట్ చేసాడు కాబట్టి యాక్షన్ బ్యాక్ డ్రాప్ లో కథని ఎంచుకునే అవకాశం ఉందనే టాక్ వినిపిస్తోంది. మరి ఎలాంటి కథ చెప్పిన యూవీ క్రియేషన్స్ లాంటి పెద్ద బ్యానర్ ఉంది కాబట్టి కచ్చితంగా సినిమా గ్రాండ్ గానే రిలీజ్ అయ్యే ఛాన్స్ ఉంటుంది.