ప్ర‌తిసారీ ఆశ్చర్య‌ప‌రిచే ఆ న‌టుడంటే ఇష్టం: హీరో సూర్య‌

త‌మిళ స్టార్ హీరో సూర్య‌కు ఉన్న ఫాలోయింగ్ గురించి తెలిసిందే. ప్రేక్ష‌కుల‌తో పాటు, సినీప‌రిశ్ర‌మ స‌హ‌న‌టులు అత‌డంటే విప‌రీతంగా అభిమానిస్తారు. సూర్య న‌ట‌న‌, ఎన‌ర్జీ, డౌన్ టు ఎర్త్ స్వ‌భావాన్ని అంద‌రూ ఇష్ట‌ప‌డ‌తారు. అయితే అత‌డు ఏ న‌టుడిని అమితంగా ఇష్ట‌ప‌డ‌తారు? ఈ ప్ర‌శ్న‌కు కంగువ ఇంట‌ర్వ్యూలో సూర్య స్వ‌యంగా జ‌వాబిచ్చారు.

ఇటీవ‌లి మ‌ల‌యాళ చిత్రాల్లో తాను న‌టించాల‌నుకునేంత‌గా త‌న‌కు న‌చ్చిన సినిమా ఏది? అని ప్ర‌శ్నించ‌గా, 2024 కామెడీ మూవీ 'ఆవేశం' లో ఫహద్ ఫాసిల్ పాత్ర ఇష్ట‌మైన‌ద‌ని అన్నారు. ఆవేశం సినిమా త‌న‌కు ఎంతో ఇష్ట‌మైన‌ద‌ని, ఫహద్ ఫాసిల్ న‌ట‌న ఆశ్చ‌ర్య‌ప‌రిచింద‌ని అన్నారు సూర్య‌. ''ఆవేశం నాకు చాలా నచ్చింది. డైరెక్షన్ చాలా బాగుంది. అతడు (ఫ‌హ‌ద్) నన్ను నవ్వించాడు. ప్రతిసారీ అత‌డు ప్రేక్షకులను ఆశ్చర్యపరుస్తాడు. అతని సినిమాలో ఏం జరుగుతుందో మ‌న‌కు ఎప్పటికీ తెలియదు'' అంటూ 'ఆవేశం' సినిమా గొప్ప‌త‌నాన్ని కీర్తించాడు.

ఫహద్ ఫాసిల్ సినిమాల భవిష్యత్తు విజయం గురించి క‌చ్ఛితంగా అంచ‌నా వేయ‌లేం. కానీ ఆశ్చర్యకరమైన అంశాన్ని మెయింటెయిన్ చేసినందుకు అతడిపై సూర్య‌ ప్రశంసలు కురిపించాడు. ఫ‌హ‌ద్ ఎంచుకునే ప్రతి ప్రాజెక్ట్ త‌న‌ను ఎలా ఆక‌ర్షిస్తాయో వ‌ర్ణించాడు. ఫ‌హ‌ద్ అద్భుతమైన సినిమాలు తీస్తున్నాడు. ఒక నటుడిగా ఎలాంటి సినిమానైనా ఇవ్వగలడు.. ఫహద్ థియేటర్లలో ప్రజలను అలరిస్తూనే ఉంటాడు.. అదే సమయంలో తనకు, తన చిత్ర పరిశ్రమకు హద్దులు విధించాడు.. అని పొగిడేశారు సూర్య‌.

ఆవేశంలో ఫహద్ పాత్ర నిజానికి చాలా మంది విమర్శకుల ప్రశంసలు పొందింది. ఇందులో అత‌డి న‌ట‌న అంద‌రికీ న‌చ్చింది. క‌చ్చితమైన కామిక్ టైమింగ్ తో గొప్ప‌ ప్రశంసలు పొందాడు ఫ‌హ‌ద్. ఇప్పటికీ అతడి అత్యుత్తమ న‌ట‌ప్రదర్శనలలో ఒకటిగా పరిగణిస్తారు. అంతేకాకుండా ఆవేశం కథాంశం, స్టంట్స్, స్క్రిప్ట్, దర్శకత్వం సహా ఈ చిత్రానికి సంబంధించిన ఇతర అంశాలు కూడా విమ‌ర్శ‌కుల ప్ర‌శంస‌లు ద‌క్కించుకున్నాయి.

కెరీర్ మ్యాట‌ర్ కి వ‌స్తే...ఫ‌హ‌ద్ ఈ ఏడాది వరుస చిత్రాల్లో న‌టిస్తున్నాడు. ఇటీవ‌ల‌ రజనీకాంత్ నటించిన `వేట్టయాన్‌`లో అత‌డు చెప్పుకోదగ్గ నటనను ప్రదర్శించాడు. తదుపరి అల్లు అర్జున్ `పుష్ప 2: ది రూల్‌`లో ఐపిఎస్ భన్వర్ సింగ్ సెఖావత్‌గా తన పాత్ర‌ను రిపీట్ చేస్తున్నారు. సైకలాజికల్ క్రైమ్ థ్రిల్లర్ బౌగెన్‌విల్లె కూడా ప్రేక్షకుల నుండి మంచి సమీక్షలను సంపాదించింది. ఒడుం కుతీరా చదుం కుతిరా, డోంట్ ట్రబుల్ ది ట్రబుల్, కరాటే చంద్రన్, మారీసన్ వంటి ప్రాజెక్ట్‌లతో ఫ‌హ‌ద్ క్ష‌ణం తీరిక లేనంత బిజీగా ఉన్నాడు.