కంగువా.. అంత భయం పుట్టించగలదా?
కోలీవుడ్ స్టార్ సూర్య హీరోగా శివ దర్శకత్వంలో తెరకెక్కుతోన్న పాన్ వరల్డ్ మూవీ కంగువా.
కోలీవుడ్ స్టార్ సూర్య హీరోగా శివ దర్శకత్వంలో తెరకెక్కుతోన్న పాన్ వరల్డ్ మూవీ కంగువా. ఈ సినిమా అక్టోబర్ 10న వరల్డ్ వైడ్ గా రిలీజ్ కానుంది. భారీ బడ్జెట్ తో యూవీ క్రియేషన్స్, స్టూడియో గ్రీన్ సంయుక్తంగా ఈ చిత్రాన్ని నిర్మిస్తున్నాయి. సూర్య ఈ సినిమాలో డ్యూయల్ రోల్ లో కనిపించబోతున్నారు. పీరియాడికల్ యాక్షన్ డ్రామాగా టైం ట్రావెల్ కాన్సెప్ట్ తో కంగువ మూవీ థియేటర్స్ లోకి రాబోతోంది. ప్రెజెంట్, ఫాస్ట్ కలిపి ఈ కథని శివ చెప్పబోతున్నారంట.
ఓ క్యారెక్టర్ లో సూర్య ట్రైబల్ వారియర్ గా కనిపించబోతున్నారు. ఆ పాత్ర చాలా పవర్ ఫుల్ గా ఉండబోతోందని ఇప్పటికే క్లారిటీ వచ్చేసింది. ఈ చిత్రంలో బాబీ డియోల్ విలన్ గా కనిపించబోతున్నారు. దిశా పటాని హీరోయిన్ గా చేసింది. దేవిశ్రీప్రసాద్ మ్యూజిక్ అందిస్తున్నారు. ఇప్పటికే కంగువా మూవీ నుంచి వచ్చిన పోస్టర్స్, సాంగ్స్, టీజర్ కి అద్భుతమైన రెస్పాన్స్ వచ్చింది. సినిమాపై భారీ అంచనాలు క్రియేట్ అయ్యి ఉన్నాయి. కంగువ మూవీతో కచ్చితంగా కోలీవుడ్ ఇండస్ట్రీకి 1000 కోట్ల కలెక్షన్స్ వస్తాయని భావిస్తున్నారు.
ఇప్పటికే బిజినెస్ కూడా చాలా వరకు కంప్లీట్ అయ్యిందంట. హిందీలో కూడా కంగువా సినిమాకి మంచి బిజినెస్ జరిగిందని తెలుస్తోంది. మూవీ కోసం ఫ్యాన్స్ మాత్రమే కాకుండా రెగ్యులర్ ప్రేక్షకులు కూడా ఎగ్జైటింగ్ గా ఎదురుచూస్తున్నారు. ఇదిలా ఉంటే తాజాగా ఓ ఇంటర్వ్యూలో నిర్మాత కేఈ జ్ఞానవేల్ రాజా కంగువా మూవీ గురించి ఇంటరెస్టింగ్ కామెంట్స్ చేశారు. దసరాకి రిలీజ్ కాబోతున్న కంగువాకి పోటీగా ఎవరైనా రావొచ్చు.
ఎందుకంటే కంటెంట్ గురించి రాబోతున్న ఇతర సినిమాల నిర్మాతలకి అవగాహన ఉండదు. కాబట్టి లైట్ గా తీసుకోవడానికి ఛాన్స్ ఉంది. ఒక్కసారి కంగువ రిలీజ్ అయితే దానికి సీక్వెల్ గా రాబోయే కంగువా పార్ట్ 2కి పోటీగా వచ్చే ధైర్యం ఎవ్వరు కూడా చేయరు. ఈ విషయాన్ని కాన్ఫిడెంట్ గా చెబుతున్న అని ఓ ఇంటర్వ్యూలో చెప్పుకొచ్చారు.
జ్ఞానవేల్ రాజా కామెంట్స్ ప్రస్తుతం సోషల్ మీడియాలో వైరల్ అవుతున్నాయి. నిజంగా కంగువా ఆ రేంజ్ లో భయం పుట్టించగలదా అనేలా కామెంట్స్ వస్తున్నాయి. ఈ సినిమా హిట్ అయితే కచ్చితంగా జ్ఞానవేల్ రాజా చెప్పిన మాటకి బలం పెరిగే అవకాశం ఉంది. అలా కాకుండా ఫలితం తేడా కొడితే మాత్రం కచ్చితంగా సోషల్ మీడియాలో అతన్ని ట్రోల్ చేసే ఛాన్స్ ఉందనే మాట వినిపిస్తోంది. ఏది ఏమైనా జ్ఞానవేల్ రాజా చేసిన కామెంట్స్ అయితే కంగువ సినిమా మీద ప్రేక్షకులలో అంచనాలు పెంచుతున్నాయని చెప్పొచ్చు.