ఢిల్లీ రిట‌ర్న్ అయితే రోలెక్స్ దిగేస్తాడు!

`ఢిల్లీ` రిట‌ర్న్ అయితే రోలెక్స్ దిగేస్తాడు. ఈ మాట నేరుగా సూర్య అలియాస్ రోలెక్స్ నోట వ‌చ్చిన మాట‌. ఢిల్లీ వ‌ర్సెస్ రోలెక్స్ అన్న‌ది ఇప్పుడు హాట్ టాపిక్. లొకేష్ క‌న‌గ‌రాజ్ యూనివ‌ర్శ్ నుంచి రాబోతున్న చిత్రాలు. ఖైదీ-2..రొలెక్స్ రెండు వేర్వేరు చిత్రాలు. ర‌జ‌నీకాంత్ సినిమా పూర్త‌యిన వెంట‌నే లోకేష్ `ఖైదీ-2` ప‌ట్టాలెక్కిస్తాడు. అలాగే రోలెక్స్ టైట‌ల్ తోనే ఓ సినిమా స‌ప‌రేట్ గా చేస్తున్నాడు. అయితే ఈ రెండు సినిమాల‌కు ఇంట‌ర్ లింక్ ఉంది.

ఎల్ సీ యూ నుంచి రాబోతున్న చిత్రాలు కావ‌డంతో రెండింటిపై భారీ అంచ‌నాలున్నాయి. ఈ నేప‌థ్యంలో సూర్య జ‌పాన్ ప్ర‌చారంలో భాగంగా ఆస‌క్తిక‌ర వ్యాఖ్య‌లు చేసారు. లొకేష్ క‌న‌గ‌రాజ్ నాకిచ్చిన రోలెక్స్ పాత్ర పూర్తిగా నా కెరీర్ నే మార్చేసింది. ఢిల్లీ ఎప్పుడైతే రిటర్న్ అవుతాడో? అదే స‌మ‌యంలో రోలెక్స్ కూడా తిరిగి వస్తాడు` అని అన్నారు. దీంతో `ఖైదీ-2` లో రోలెక్స్ పాత్ర బ‌లంగా ఉండ‌బోతుంద‌ని సంకేతాలు అందే సాయి. అన్న‌ద‌మ్ముల మ‌ధ్య రీల్ వార్ పీక్స్ లోనే ఉంటుంద‌ని గెస్సింగ్స్ మొద‌లైపోయాయి.

ఇదే యూనివ‌ర్శ్ నుంచి విక్ర‌మ్ -2 కూడా రానుంది. ఇదంతా లోకేష్ సృష్టించుకున్న సామ్రాజ్యం. వాటి నుంచి ఒక్కొక్క‌టిగా ప్రేక్ష‌కుల్ని థ్రిల్ చేయ‌నున్నాయి. స‌క్సెస్ అయినంత కాలం లోకేష్ యూనిర్శ్ కొన‌సాగుతుంది. సైమ‌ల్టేనియ‌స్ గా లోకేష్ నుంచి కొత్త చిత్రాలు వ‌స్తుంటాయి. వాటిలో ఇత‌ర హీరోలు క‌నిపిస్తారు. ప్ర‌స్తుతం లోకేష్ కొన‌గ‌రాజ్ సూప‌ర్ స్టార్ ర‌జ‌నీకాంత్ సినిమాపై వ‌ర్క్ చేస్తున్నారు.

అలాగే `లియో` విజ‌యానందంలోనూ క‌నిపిస్తున్నాడు. `లియో` సినిమాపై వ‌చ్చిన నెగిటివిటీ ని తొల‌గించే ప్ర‌యత్నం చేస్తున్నాడు. ఇక సూర్య‌..కార్తీలు వేర్వ‌రు ప్రాజెక్ట్ ల‌తో బిజీగా ఉన్నారు. వాటిని పూర్తిచేసిన వెంట‌నే లోకేష్ టీమ్ తో జాయిన్ అవుతారు.