తమన్నా చిన్నప్పటి వీడియో వైరల్

మిల్కీ బ్యూటీ తమన్నా తెలుగు ప్రేక్షకులకు 2005 సంవత్సరంలో 'శ్రీ' అనే సినిమాతో ప్రేక్షకుల ముందుకు వచ్చిన విషయం తెల్సిందే. అంతకు ముందే హిందీ సినిమా చాంద్ సా రోషన్ చెహ్రా లో నటించింది. తమన్నా మొదటి సారి కెమెరా ముందుకు వచ్చిన సమయంలో వయసు కేవలం 13 ఏళ్లు మాత్రమే. చాలా చిన్న వయసులోనే మిల్కీ బ్యూటీ సినీ రంగ ప్రవేశం చేసింది.

తాజాగా తమన్నా తన మొదటి హిందీ సినిమా చాంద్ సా రోషన్‌ గురించి మాట్లాడుతున్న వీడియో ఒకటి బయటకు వచ్చింది. తాను ఇంకా స్కూల్‌ లో ఉన్నాను. త్వరలోనే పదో తరగతి పరీక్షలు చేయబోతున్నట్లుగా ఈ వీడియో లో తమన్నా మాట్లాడటం జరిగింది. ఇప్పుడు ఎలా ఉందో తమన్నా తన 13వ ఏట కూడా అలాగే ఉందని ఈ వీడియోకి ఫ్యాన్స్ తెగ కామెంట్స్ చేస్తున్నారు.

తమన్నా 13వ ఏట ఉండగా మొదటి సినిమాకు సైన్ చేసింది. అయితే ఆ సినిమా కాస్త ఆలస్యం అవ్వడంతో 15వ ఏట ప్రేక్షకులకు పరిచయం అయినట్లుగా తెలుస్తోంది. నా వయసు కేవలం పదమూడున్నర ఏళ్లు మాత్రమే అంటూ తమన్నా చేసిన వ్యాఖ్యలు అందనికి ఆశ్చర్యానికి గురి చేస్తున్నాయి.

ఉత్తరాది ముద్దుగుమ్మలు చిన్న వయసులోనే కాస్త పెద్దగా కనిపిస్తారు అనే అభిప్రాయం ఉంది. తమన్నా యొక్క ఈ వీడియో చూసిన తర్వాత ఆ మాట నిజమే అన్నట్టు అనిపిస్తుంది అంటూ నెటిజన్స్ కూడా అభిప్రాయం వ్యక్తం చేస్తున్నారు. మిల్కీ బ్యూటీ ఇండస్ట్రీలో అడుగు పెట్టి దాదాపుగా రెండు దశాబ్దాలు అవ్వబోతుంది.

ఇప్పటికి కూడా స్టార్స్ కి సూపర్ స్టార్స్ కి జోడీగా సినిమాల్లో నటిస్తూ కెరీర్‌ పరంగా దూసుకు పోతుంది. ఇటీవల రజినీకాంత్‌ జైలర్ సినిమా లో తమన్నా కీలక పాత్రలో నటించింది. ఇక మెగాస్టార్ చిరంజీవి సినిమా భోళా శంకర్ లో హీరోయిన్‌ గా నటించిన విషయం తెల్సిందే.

మొత్తానికి తమన్నా బిజీ బిజీగా గా ఇంకా కొనసాగుతూనే ఉంది. చిన్న వయసులో ఎంట్రీ ఇచ్చినా కూడా తమన్నా కి మంచి అవకాశాలు లభించి పదేళ్ల సినీ కెరీర్‌ ను కొనసాగించింది. తెలుగు తో పాటు తమిళం, హిందీ, కన్నడ భాషల్లో మిల్కీ బ్యూటీ తమన్నా అభిమానులను సొంతం చేసుకునే విధంగా సినిమాలు చేసింది.