సైమాలో సంక్రాంతి గొడవ.. మహేష్ ను లాగారే..

దుబాయ్ లో ప్రతి ఏడాది జరిగే సైమా అవార్డుల వేడుక ఈ సంవత్సరం కూడా గ్రాండ్ గా జరిగింది. ఇక దగ్గుబాటి రానా హోస్ట్ గా ఉంటూ ఈవెంట్ లో ఎంటర్టైన్మెంట్ క్రియేట్ చేసే ప్రయత్నం చేస్తాడు. రానాతో పాటు ఎవరో ఒకరు అదనంగా వచ్చి చేరుతారు. గతంలో నాని, అల్లు శిరీష్ లు కూడా రానాతో కలిసి సైమా ఈవెంట్ హోస్ట్ చేశారు. ఈ ఏడాది యంగ్ హీరో తేజ సజ్జా రానాతో కలిసి సైమా ఈవెంట్ గా హోస్ట్ గా చేశారు.

ఇద్దరు ఓ వైపు స్టేజ్ పై పంచ్ లతో ఎంటర్టైన్మెంట్ క్రియేట్ చేస్తూ మరో వైపు అవార్డుల ప్రదానోత్సవాణ్ని దిగ్విజయంగా నడిపించారు. ఇదిలా ఉంటే ఈ ఈవెంట్ లో తేజ సజ్జా, రానా హోస్టింగ్ లో కొన్ని పంచ్ లు వివాదాస్పదంగా మారాయి. ముఖ్యంగా ఫ్లాప్ సినిమాల గురించి, అలాగే ఈ ఏడాది జరిగిన సంఘటనల గురించి మాట్లాడే సందర్భంలో సరదాగా వారిద్దరూ వేసిన పంచ్ లు కొంతమందిని నొప్పించాయనే మాట వినిపిస్తోంది.

రానా సూపర్ స్టార్ మహేష్ బాబు పేరు చెప్పకుండా ప్రశంసించే క్రమంలో అవి నా గురించేనా అని తేజ అడుగుతాడు. నేను సూపర్ స్టార్ మహేష్ బాబు గురించి చెబుతున్న అని రానా అంటాడు. మారేందుకు నువ్వు చెప్పేవన్నీ నాకు సింక్ అవుతున్నాయి అని తేజ అడిగాడు. అవును ఇద్దరు చైల్డ్ ఆర్టిస్ట్స్ గానే కెరియర్ స్టార్ట్ చేశారు. అతను సూపర్ స్టార్, నువ్వు సూపర్ హీరో. ఇద్దరు సంక్రాంతికి వచ్చేసారు అంటాడు.

దానికి తేజ సజ్జా సడెన్ గా కలుగజేసుకొని ఆ సంక్రాంతి గురించి మాట్లాడకు అనేశాడు… ఏ అంత సెన్సిబుల్ టాపిక్ నా అని రానా అడుగుతాడు… ఈ వీడియో సోషల్ లో మీమ్స్ పేజీలలో వైరల్ అవుతోంది. తేజా సజ్జా మహేష్ బాబుని అవమానించాడని కొంతమంది కామెంట్స్ చేస్తున్నారు. అయితే సంక్రాంతికి మహేష్ బాబు ‘గుంటూరు కారం’ రిలీజ్ అయ్యింది. తేజ సజ్జా ‘హనుమాన్’ మూవీ పాన్ ఇండియా రేంజ్ లో రిలీజ్ అయ్యి సూపర్ సక్సెస్ అందుకుంది.

నిజానికి ఆ సమయంలో ‘హనుమాన్’ సినిమాకి థియేటర్స్ ఇవ్వడం లేదనే విమర్శలు ‘గుంటూరు కారం’ మేకర్స్ మీద వచ్చాయి. ఈ నేపథ్యంలో ఆ టాపిక్ గురించి మాట్లాడొద్దు అని తేజ సజ్జా స్కిప్ చేసే ప్రయత్నం చేసాడని కామెంట్స్ వినిపిస్తున్నాయి. సరదాగా ఎంటర్టైన్మెంట్ కోసం మాట్లాడే మాటలని సీరియస్ గా తీసుకోకూడదు అంటూ కొంతమంది పోస్టులు పెడుతున్నారు. ఏదేమైనా సైమా పంచుల విషయం ఇండస్ట్రీలో కూడా హాట్ టాపిక్ గా మారింది.