హనుమాన్ : నేను అన్నట్లే జరిగింది చూశారా?

సంక్రాంతి కానుకగా ప్రేక్షకుల ముందుకు వచ్చిన హనుమాన్ కి పాజిటివ్ రెస్పాన్స్ వచ్చింది. ఈ సంక్రాంతి విజేత తామే అంటూ యూనిట్‌ సభ్యులు అప్పుడే ప్రకటించేసుకున్నారు. కలెక్షన్స్ కూడా ఆ స్థాయిలోనే వస్తున్నాయి అంటూ బాక్సాఫీస్ వర్గాల ద్వారా సమాచారం అందుతోంది.

సినిమా కు పాజిటివ్ టాక్‌ వచ్చిన నేపథ్యంలో చిత్ర యూనిట్‌ సభ్యులు తమ సంతోషాన్ని వ్యక్తం చేశారు. ఈ సందర్భంగా హీరో తేజ మాట్లాడుతూ ఆసక్తికర వ్యాఖ్యలు చేశాడు. హనుమాన్ సినిమా ప్రమోషన్ సమయంలో తాను సలార్‌ దర్శకుడు ప్రశాంత్ నీల్‌, ఈ చిత్ర దర్శకుడు ప్రశాంత్‌ వర్మల పేర్లు మారు మోగుతాయి అన్నాను.

అన్నట్లుగానే ప్రశాంత్‌ అనే పేరు మారుమ్రోగుతోంది అంటూ తేజ తన సంతోషాన్ని వ్యక్తం చేశాడు. నిజంగానే విడుదలకు ముందు దర్శకుడు ప్రశాంత్ మరియు హీరో తేజ చాలా నమ్మకంగా కనిపించారు. వారి నమ్మకం ను చూసి చాలా మంది ఓవర్ కాన్ఫిడెన్స్ అన్నారు. కానీ అనూహ్యంగా సినిమాకు వస్తున్న హిట్ టాక్‌ చూసి వారిని అభినందిస్తున్నారు.

సినిమా పై నమ్మకంతో ముందు రోజే భారీ ఎత్తున పెయిడ్‌ ప్రీమియర్ లు వేయడం జరిగింది. ఆ పెయిడ్‌ ప్రీమియర్ ల వల్ల నష్టం అన్నారు కొందరు. కానీ ఆ పెయిడ్‌ ప్రీమియర్ లు భారీ ఎత్తున లాభాలను తెచ్చి పెట్టాయి. అంతే కాకుండా హిట్ టాక్ మరింతగా వ్యాప్తి చెందుకు హెల్ఫ్‌ అయ్యింది.

ఇక హనుమాన్‌ సినిమా విడుదల రోజే గుంటూరు కారం సినిమా విడుదల అయిన విషయం తెల్సిందే. ఇక నేడు సైంధవ్‌ మరియు రేపు నా సామి రంగ సినిమా విడుదల అవ్వబోతుంది. ఈ నేపథ్యంలో హనుమాన్ సినిమా లాంగ్ రన్‌ వసూళ్లు ఎంత మేరకు ఉంటాయా అని అంతా ఆసక్తిగా ఎదురు చూస్తున్నారు.